Giobbe 35

Che cosa guadagna Dio da te

І адказаў Элігу, і сказаў: ²«Што ты лічыш слушным, калі ты сказаў: “Праведнасьць мая большая, чым у Бога”? ³Бо ты сказаў: “Што за карысьць мне і што я атрымаю з гэтага, чым калі б я грашыў?” ⁴Я адкажу табе словамі, і сябрам тваім з табою.

⁵Паглядзі на неба і пабач; паглядзі на аблокі, яны вышэйшыя за цябе. ⁶Калі ты саграшыш, што зробіш ты Яму? І калі грахі твае памнажаюцца, чым ты зашкодзіш Яму? ⁷А калі будзеш праведны, што дасі Яму? Або што Ён атрымае з рукі тваёй?

⁸Чалавеку, падобнаму да цябе, ліхота твая [шкодзіць], а праведнасьць твая [патрэбна] сыну чалавечаму. ⁹Ад мноства прыгнятальнікаў яны галосяць, з прычыны [цяжкага] рамяна моцных. ¹⁰Але [ніхто] ня кажа: “Дзе ж Бог, Які стварыў мяне, Які дае сьпевы ўначы, ¹¹Які вучыць нас болей, чым жывёлаў зямных, і больш, чым птушак нябесных, робіць нас мудрымі?” ¹²Там яны лямантуюць, але Ён не адказвае ім з прычыны пыхлівасьці злачынцаў.

¹³Толькі марноты ня слухае Бог і ня бачыць Усемагутны. ¹⁴Хоць ты сказаў, што ня бачыш Яго, разгляд [справы] — перад абліччам Ягоным, і ты чакай на Яго. ¹⁵І цяпер, калі не палае гнеў Ягоны, Ён не зважае зашмат на нягоднасьць.

¹⁶Надарма Ёў адчыніў вусны свае і множыць прамовы бяздумныя».