Genesi 5

Da Adamo a Iared

Вось кніга радаводу Адама. У дзень, калі Бог стварыў Адама, зрабіў яго на падабенства Божае, ²мужчыну і жанчыну стварыў іх, і дабраславіў іх, і назваў іх імя “чалавек” у дзень стварэньня іх. ³І жыў Адам сто трыццаць гадоў, і нарадзіў [сына] на падабенства сваё, як вобраз свой, і назваў імя яго Сэт.

⁴І было дзён Адама па нараджэньні Сэта васемсот гадоў, і нарадзіў ён сыноў і дачок. ⁵І былі ўсе дні Адама, якія ён жыў, дзевяцьсот трыццаць гадоў, і ён памёр. ⁶І жыў Сэт сто пяць гадоў, і нарадзіў Эноса.

⁷І жыў Сэт па нараджэньні Эноса васемсот сем гадоў, і нарадзіў сыноў і дачок. ⁸І былі ўсе дні Сэта дзевяцьсот дванаццаць гадоў, і ён памёр. ⁹І жыў Энос дзевяноста гадоў, і нарадзіў Кейнана.

¹⁰І жыў Энос па нараджэньні Кейнана васемсот пятнаццаць гадоў, і нарадзіў сыноў і дачок. ¹¹І былі ўсе дні Эноса дзевяцьсот пяць гадоў, і ён памёр. ¹²І жыў Кейнан семдзясят гадоў, і нарадзіў Магалялеэля.

¹³І жыў Кейнан па нараджэньні Магалялеэля васемсот сорак гадоў, і нарадзіў сыноў і дачок. ¹⁴І былі ўсе дні Кейнана дзевяцьсот дзесяць гадоў, і ён памёр. ¹⁵І жыў Магалялеэль шэсьцьдзясят пяць гадоў, і нарадзіў Ярэда.

¹⁶І жыў Магалялеэль па нараджэньні Ярэда васемсот трыццаць гадоў, і нарадзіў сыноў і дачок. ¹⁷І былі ўсе дні Магалялеэля васемсот дзевяноста пяць гадоў, і ён памёр.

Enoc camminò con Dio

¹⁸І жыў Ярэд сто шэсьцьдзясят два гады, і нарадзіў Эноха. ¹⁹І жыў Ярэд па нараджэньні Эноха васемсот гадоў, і нарадзіў сыноў і дачок. ²⁰І былі ўсе дні Ярэда дзевяцьсот шэсьцьдзясят два гады, і ён памёр.

²¹І жыў Энох шэсьцьдзясят пяць гадоў і нарадзіў Мэтушэляха. ²²І хадзіў Энох з Богам па нараджэньні Мэтушэляха трыста гадоў, і нарадзіў сыноў і дачок. ²³І былі ўсе дні Эноха трыста шэсьцьдзясят пяць гадоў.

²⁴І хадзіў Энох з Богам, і ня стала яго, бо забраў яго Бог.

Da Matusalemme a Noè

²⁵І жыў Мэтушэлях сто восемдзясят сем гадоў, і нарадзіў Лямэха. ²⁶І жыў Мэтушэлях па нараджэньні Лямэха семсот восемдзясят два гады, і нарадзіў сыноў і дачок. ²⁷І былі ўсе дні Мэтушэляха дзевяцьсот шэсьцьдзясят дзевяць гадоў, і ён памёр.

²⁸І жыў Лямэх сто восемдзясят два гады, і нарадзіў сына, ²⁹і назваў яго імя Ной, кажучы: «Ён пацешыць нас у рабоце нашай і ў працы рук нашых на зямлі, якую пракляў ГОСПАД». ³⁰І жыў Лямэх па нараджэньні Ноя пяцьсот дзевяноста пяць гадоў, і нарадзіў сыноў і дачок.

³¹І былі ўсе дні Лямэха семсот семдзясят сем гадоў, і ён памёр. ³²І было Ною пяцьсот гадоў, і нарадзіў Ной Сэма, Хама i Яфэта.