Salmi 111

Il principio della sapienza

הללו יה אודה יהוה בכל לבב בסוד ישרים ועדה: ²גדלים מעשי יהוה דרושים לכל חפציהם: ³הוד והדר פעלו וצדקתו עמדת לעד: ⁴זכר עשה לנפלאתיו חנון ורחום יהוה: ⁵טרף נתן ליראיו יזכר לעולם בריתו: ⁶כח מעשיו הגיד לעמו לתת להם נחלת גוים: ⁷מעשי ידיו אמת ומשפט נאמנים כל פקודיו: ⁸סמוכים לעד לעולם עשוים באמת וישר:

⁹פדות שלח לעמו צוה לעולם בריתו קדוש ונורא שמו: ¹⁰ראשית חכמה יראת יהוה שכל טוב לכל עשיהם תהלתו עמדת לעד: