Giobbe 18

Bildad descrive la sorte dell'empio

א                  ויען בלדד השחי ויאמר ²ב  עד-אנה תשימון קנצי למלין    תבינו ואחר נדבר ³ג  מדוע נחשבנו כבהמה    נטמינו בעיניכם ⁴ד  טרף נפשו באפו    הלמענך תעזב ארץ ויעתק-צור ממקמו ⁵ה  גם אור רשעים ידעך    ולא-יגה שביב אשו ⁶ו  אור חשך באהלו    ונרו עליו ידעך ⁷ז  יצרו צעדי אונו    ותשליכהו עצתו ⁸ח  כי-שלח ברשת ברגליו    ועל-שבכה יתהלך

⁹ט  יאחז בעקב פח    יחזק עליו צמים ¹⁰י  טמון בארץ חבלו    ומלכדתו עלי נתיב ¹¹יא  סביב בעתהו בלהות    והפיצהו לרגליו ¹²יב  יהי-רעב אנו    ואיד נכון לצלעו ¹³יג  יאכל בדי עורו    יאכל בדיו בכור מות ¹⁴יד  ינתק מאהלו מבטחו    ותצעדהו למלך בלהות ¹⁵טו  תשכון באהלו מבלי-לו    יזרה על-נוהו גפרית ¹⁶טז  מתחת שרשיו יבשו    וממעל ימל קצירו

¹⁷יז  זכרו-אבד מני-ארץ    ולא-שם לו על-פני-חוץ ¹⁸יח  יהדפהו מאור אל-חשך    ומתבל ינדהו ¹⁹יט  לא נין לו ולא-נכד בעמו    ואין שריד במגוריו ²⁰כ  על-יומו נשמו אחרנים    וקדמנים אחזו שער ²¹כא  אך-אלה משכנות עול    וזה מקום לא-ידע-אל