Psalms 113

From the rising of the sun to its setting

Альлелюя! Хвалеце, слугі ГОСПАДА, хвалеце імя ГОСПАДА! ²Няхай будзе дабраслаўлёнае імя ГОСПАДА ад цяпер і на вякі! ³Ад усходу сонца да захаду яго няхай будзе хвалёнае імя ГОСПАДА!

⁴Узьвялічаны ГОСПАД над усімі народамі; па-над нябёсы слава Ягоная. ⁵Хто як ГОСПАД, Бог наш, Які жыве ў вышыні ⁶і схіляецца, каб паглядзець на неба і зямлю; ⁷Які з пылу падымае гаротніка, з гною ўзносіць беднага, ⁸каб пасадзіць яго сярод магнатаў, сярод магнатаў народу Свайго; ⁹Які бясплодную садзіць у доме як маці, якая радуецца сынам [сваім]? Альлелюя!