Psalms 129

Often they have afflicted me

Jerusalenman aywar cantashan alabansa. Fiyupa ñacarmi goyashcä mösu cashäpita-pacha. Israelcuna mä niy: ²Fiyupa ñacarmi goyashcä mösu cashäpita-pacha. Ichanga chiquimajcuna manami binsimashachu. ³Chiquimajcuna astimar wajtäta rachisha. Camillunta chutashanörämi garäcunapis rawaychasha quëdasha.

⁴Tayta Diosmi ichanga alli juez. Chaymi payga fiyu runacunapa maquinpita salbamasha. ⁵Jerusalenta chiquejcunaga binsisha cashpan pengay-tucusha quiquincuna gueshpichun. ⁶Wasi janan tëjacunacho usyawan guewa wañuytajno ushacächun.

⁷Chay runacunaga cachun runa rïguta rutuptin maquipis mana charishanno, manana cäsupashanno. ⁸Chay runacunataga ama pipis nichunchu: «Tayta Dios yanapaycushunqui. Tayta Dios bindisyunta goycushunqui» nir.