Psalms 48

Great is the Lord in the city of our God

He waiata, he hīmene mā ngā tama a Koraha. He nui a Ihowā, kia nui hoki te whakamoemiti ki a ia i te pā o tō tātou Atua, i te maunga o tōna tapu; ²ātaahua ana te tairanga o Maunga Hiona, ko tā te ao katoa e koa ai; kei te taha ki te raki te pā o te Kīngi nui. ³E mātauria ana te Atua i roto i ōna whare papai hei piringa.

⁴Nā, huihui tahi mai ana ngā kīngi, haere tahi atu ana rātou. ⁵I kite rātou, mīharo iho; raruraru ana, hohoro tonu atu. ⁶Pā ana te wehi ki a rātou i reira, te mamae, ānō he wahine e whānau ana.

⁷E wāhia ana e koe ngā kaipuke o Tarahihi ki te marangai. ⁸Rite tonu ki tā mātou i rongo ai, tā mātou i kite ai i roto i te pā o Ihowā o ngā mano, i te pā o tō tātou Atua; mā te Atua e whakapūmau ake ake. Hera ⁹I whakaaroaro mātou ki tōu atawhai, e te Atua, i waenganui o tōu temepara.

¹⁰E te Atua, rite tahi ki tōu ingoa te whakamoemiti mōu, tae noa atu ki ngā pito o te whenua; kī tonu tōu matau i te tika. ¹¹Kia hari a Maunga Hiona, kia koa ngā tamāhine a Hūrā i āu whakaritenga. ¹²Taiāwhiotia a Hiona, haere, ā kōpiko noa mai; taua ōna pourewa, ¹³maharatia ōna pekerangi, tirohia ōna whare papai; hei kōrerotanga mā koutou ki ēnei ake whakatupuranga.

¹⁴Ko tēnei Atua hoki te Atua mō tātou ake ake. Ko ia hei kaiārahi i a tātou ā mate noa.