Psalms 67

May the peoples praise you

Kumutungamiri wokuimba nemitengeranwa ine hungiso. Pisarema. Rwiyo. Mwari ngaatinzwire tsitsi atiropafadze, uye apenyese chiso chake pamusoro pedu, Sera ²kuti nzira dzenyu dzizivikanwe panyika, ruponeso rwenyu pakati pendudzi dzose. ³Marudzi ngaakurumbidzei, imi Mwari; marudzi ose ngaakurumbidzei.

⁴Ndudzi ngadzifare uye dziimbe nomufaro, nokuti munotonga marudzi nokururamisira, uye munotungamirira ndudzi dzenyika. Sera ⁵Marudzi ngaakurumbidzei, imi Mwari; marudzi ose ngaakurumbidzei. ⁶Ipapo nyika ichabereka mukohwo wayo, uye Mwari, Mwari wedu, achatiropafadza.

⁷Mwari achatiropafadza, uye migumo yose yepasi ichamutya.