Nehemiah 7

Guards for the city

Erga dallaan sun ijaaramee anis cufaawwan iddootti deebisee booddee karra eegdonni, faarfattoonnii fi Lewwonni ni ramadaman. ²Anis Yerusaalem irratti Anaanii obboleessa koo fi Hanaaniyaa ajajaa masaraa mootummaa sana nan muude; Hanaaniyaan kun nama hunda caalaa amanamaa fi kan Waaqa sodaatu tureetii. ³Ani akkanan isaaniinan jedhe; “Karrawwan Yerusaalem hamma aduun hoʼitutti banamuu hin qaban. Yeroo karra eegdonni hojii irra jiranittis cufaawwan cufamanii danqaraan keessa haa loofamu. Akkasumas jiraattota Yerusaalem keessaa eegdota tokko tokko iddoo isaaniitti, kaan immoo mana isaanii biratti ramadaa.”

The list of those who returned

⁴Magaalattiin guddoo fi balʼoo turte; garuu saba muraasatu ishee keessa jiraata ture. Manneenis amma iyyuu deebifamanii hin ijaaramne. ⁵Waaqni koos akka isaan maatii maatiidhaan galmeeffamaniif akka ani namoota bebeekamoo, qondaaltotaa fi uummata walitti qabuuf garaa koo keessa kaaʼe. Anis galmee hidda dhalootaa kan warra jalqabatti deebiʼanii nan argadhe. Wanni barreeffamee ani achitti argadhe kanaa dha: ⁶Isaan kunneen namoota kutaa biyya sanaa warra boojuu Nebukadnezar mootichi Baabilon sun boojiʼee isaan geessee ture sanaa deebiʼanii dha; isaanis Yerusaalemii fi Yihuudaatti deebiʼanii tokkoon tokkoon isaanii magaalaa ofii isaaniitti galan; ⁷isaanis Zarubaabel, Iyyaasuu, Nahimiyaa, Azaariyaa, Raʼaamiyaa, Nahamaan, Mordekaayi, Bilshaan, Misiphereti, Baguwaayi, Nehuumii fi Baʼanaa wajjin dhufan.

⁸Sanyiin Phaarosh 2,172 ⁹sanyiin Shefaaxiyaa 372 ¹⁰sanyiin Aaraa 652 ¹¹sanyiin Fahat Moʼaab warri karaa Yeeshuʼaa fi Yooʼaab dhalatan 2,818 ¹²sanyiin Eelaam 1,254 ¹³sanyiin Zaatuu 845 ¹⁴sanyiin Zakaayi 760 ¹⁵sanyiin Binuuyii 648

¹⁶sanyiin Beebay 628 ¹⁷sanyiin Azgaad 2,322 ¹⁸sanyiin Adooniiqaam 667 ¹⁹sanyiin Baguwaay 2,067 ²⁰sanyiin Aadiin 655 ²¹sanyiin Ateer warri karaa Hisqiyaas 98 ²²sanyiin Haashum 328 ²³sanyiin Beesaay 324

²⁴sanyiin Haariif 112 ²⁵sanyiin Gibeʼoon 95 ²⁶namoonni Beetlihemii fi namoonni Netoofaa 188 ²⁷namoonni Anaatoot 128 ²⁸namoonni Beet Azmaawet 42 ²⁹namoonni Kiriyaati Yeʼaariim, kan Kefiiraatii fi Biʼeeroot 743 ³⁰namoonni Raamaa fi Gebaa 621 ³¹namoonni Mikmaas 122

³²namoonni Beetʼeelii fi Aayi 123 ³³namoonni Neboo kaan 52 ³⁴namoonni Eelaam kaan 1,254 ³⁵namoonni Haariim 320 ³⁶namoonni Yerikoo 345 ³⁷namoonni Lood, kan Haadiidii fi Oonoom 721 ³⁸namoonni Senaaʼaa 3,930.

³⁹Luboota: Sanyiin Yedaaʼiyaa warri karaa maatii Yeeshuuʼaa dhufan 973 ⁴⁰sanyiin Imeer 1,052 ⁴¹sanyiin Phaashihuur 1,247 ⁴²sanyiin Haariim 1,017.

⁴³Lewwota: Sanyiin Yeeshuuʼaa warri karaa Qadmiiʼeel, karaa Hoodayiwaa dhufan 74. ⁴⁴Faarfattoota: Sanyiin Asaaf 148. ⁴⁵Eegdota karra mana qulqullummaa: Sanyiin Shaluum, sanyiin Ateer, sanyiin Talmoon, sanyiin Aquub, sanyiin Haxiixaa fi sanyiin Soobaay 138.

⁴⁶Tajaajiltoota mana qulqullummaa: Sanyii Ziihaa, sanyii Hasuufaa, sanyii Xabaaʼoot, ⁴⁷sanyii Keeroos, sanyii Siiʼaa, sanyii Faadon, ⁴⁸sanyii Lebaanaa, sanyii Hagaabaa, sanyii Shalmaayi, ⁴⁹sanyii Haanaan, sanyii Gideel, sanyii Gahar, ⁵⁰sanyii Reʼaayaa, sanyii Reziin, sanyii Neqoodaa, ⁵¹sanyii Gazaam, sanyii Uzaa, sanyii Faasehaa, ⁵²sanyii Beesaay, sanyii Meʼuuniim, sanyii Nefuushesiim, ⁵³sanyii Baqbuuq, sanyii Haquufaa, sanyii Harhuur,

⁵⁴sanyii Bazliit, sanyii Mihiidaa, sanyii Harshaa, ⁵⁵sanyii Barqoos, sanyii Siisaaraa, sanyii Teemahi, ⁵⁶sanyii Neziiyaa fi sanyii Haxiifaa.

⁵⁷Sanyii Tajaajiltoota Solomoon: Sanyii Soxaayi, sanyii Sofereeti, sanyii Feriidaa, ⁵⁸sanyii Yaʼilaa, sanyii Darqoon, sanyii Gideel, ⁵⁹sanyii Shefaaxiyaa, sanyii Haxiil, sanyii Fookeret-Hazbaayimii fi sanyii Aamoon.

⁶⁰Tajaajiltoota mana qulqullummaatii fi sanyiin tajaajiltoota Solomoon 392. ⁶¹Warri armaan gadiis magaalaawwan Teel Melaa, Teel Hareshaa, Kiruub, Adoonii fi Imeeriitii dhufan; isaan garuu akka maatiin isaanii sanyii Israaʼel taʼan mirkaneessuu hin dandeenye; isaanis: ⁶²Sanyiin Delaayaa, sanyiin Xoobbiyaa fi sanyiin Neqoodaa 642.

⁶³Luboota keessaa immoo: Sanyii Habayaa, sanyii Haqoosii fi kan Barzilaay; Barzilaayiin kun sababii intala Barzilaay namicha Giliʼaad sanaa fuudheef maqaa kanaan waamame. ⁶⁴Isaan kunneen sababii galmee hidda dhalootaa keessaa maqaa maatii isaanii barbaadanii dhabaniif akka xuraaʼotaatti ilaalamanii tajaajila lubummaa dhowwaman. ⁶⁵Bulchaan biyyattiis hamma lubni Uriimii fi Tumiimiidhaan tajaajilu tokko kaʼutti akka isaan nyaata nyaata hunda caalaa qulqulluu taʼe kam iyyuu hin nyaanneef isaan ajaje.

⁶⁶Warri boojuudhaa deebiʼan walumaa galatti namoota 42,360 turan; ⁶⁷kana malees tajaajiltoonni isaanii dhiiraa fi dubartiin 7,337 turan; akkasumas isaan faarfattoota dhiiraa fi dubartii 245 qabu ture. ⁶⁸Isaan farda 736, gaangolii 245, ⁶⁹gaala 435 fi harree 6,720 qaban ture.

Gifts for the work

⁷⁰Hangafoonni maatiiwwanii tokko tokko hojii sanaaf buusii buusan. Bulchaan biyyaa immoo warqee daariikii 1,000, waciitii 50 fi uffata lubootaa 530 mankuusaatti galii godhe. ⁷¹Abbootiin maatiiwwanii tokko tokko immoo hojii sanaaf warqee daariikii 20,000 fi meetii minnaanii 2,200 mankuusatti galii godhan. ⁷²Uummanni kaan immoo walumaa galatti warqee daariikii 20,000, meetii minnaanii 2,000 fi uffata lubootaa 67 kennan.

⁷³Luboonni, Lewwonni, eegdonni karraa, faarfattoonnii fi tajaajiltoonni mana qulqullummaa namoota tokko tokkoo fi Israaʼeloota kaan wajjin magaalaawwan ofii isaanii keessa qubatan.