Joshua 12

Kings defeated east of the Jordan

Warri Kunneen mootota Israaʼeloonni moʼatanii biyyoota isaanii jechuunis gama baʼa Arabbaa hunda dabalatee, baʼa Yordaanos, Sulula Arnooniitii hamma Tulluu Hermoonitti irraa fudhatanii dha: ²Sihoon mootiin Amoorotaa, Heshboon keessa taaʼee Aroʼeer ishee qarqara sulula Arnoonitti argamtu sanaa jalqabee hamma Laga Yaaboq kana daarii Amoonotaatti bulchaa ture; kunis walakkaa Giliʼaad dabalata. ³Akkasumas baʼa Arabbaa Galaana Kinereetiitii jalqabee hamma Galaana Arabbaa yookaan Galaana Soogiddaatti, hamma Beet Yashiimootitti, achii immoo karaa Kibbaatiin hamma tabba Phisgaatti bulchaa ture.

⁴Oogi mootichi Baashaan kan sanyii Refaayim keessaa isa dhumaa taʼe sun Ashtaarotii fi Edreyii bulchaa ture. ⁵Innis Tulluu Hermoon, Salkaa, guutummaa Baashaan hamma Geshuurotaattii fi Maʼakaataatti, walakkaa Giliʼaad immoo hamma daangaa Sihoon mooticha Heshboonitti bulchaa ture. ⁶Museen garbichi Waaqayyootii fi Israaʼeloonni isaan moʼatan. Museen garbichi Waaqayyoo biyya isaanii Ruubeenotaaf, gosa Gaadiitii fi walakkaa gosa Minaaseetiif dhaala godhee kenne.

Kings defeated west of the Jordan

⁷Mootonni biyya Iyyaasuu fi Israaʼeloonni Yordaanosiin gama lixa biiftuutti moʼatanii kanneenii dha: biyyi isaaniis Baʼaal Gaad Sulula Libaanoon keessa jirtu sanaa jalqabee hamma Tulluu Halaaq kan gara Seeʼiir lafa Iyyaasuun akkuma gosa gosa isaaniitti dhaala godhee Israaʼelootaaf kenne sanaatti ol kaʼuu dha. ⁸Biyyoonni kunneenis biyya gaaraa, biyya karaa lixaa, Arabbaa, tabba tulluu, lafa alootii fi Negeebi jechuunis biyyoota Heetotaa, Amoorotaa, Kanaʼaanotaa, Feerzotaa, Hiiwotaatii fi Yebuusotaa ti. ⁹Mootii Yerikoo, tokko mootii Aayi kan Beetʼeel biraa, tokko ¹⁰mootii Yerusaalem, tokko mootii Kebroon, tokko ¹¹mootii Yarmuut, tokko mootii Laakkiish, tokko ¹²mootii Egloon, tokko mootii Geezir, tokko ¹³mooticha Debiir, tokko mootii Gaadeer, tokko ¹⁴mootii Hormaa, tokko mootii Aaraad, tokko

¹⁵mootii Libnaa, tokko mootii Adulaam, tokko ¹⁶mootii Maqeedaa, tokko mootii Beetʼeel, tokko ¹⁷mootii Tafuuʼaa, tokko mootii Heefer, tokko ¹⁸mootii Afeeq, tokko mooticha Lashaaroon, tokko ¹⁹mootii Maadoon, tokko mootii Haazoor, tokko ²⁰mootii Shimroon Meroon, tokko mootii Akshaaf, tokko ²¹mootii Taʼanaak, tokko mootii Megidoo, tokko ²²mootii Qaadesh, tokko mootii Yoqeniʼaam kan Qarmeloos jiraatu, tokko

²³mootii Door kan tabba Door irra jiraatu, tokko mootii Gooyim kan Gilgaal keessaa jiraatu, tokko ²⁴mootii Tiirzaa, tokko.