Psalms 60

Victory comes from God

Kuom jatend wer. E dwol mar “Ondanyo mar singruok.” Miktam mar Daudi. Mar puonjo. Kane okedo gi Aram-Naharaim kod Aram Zoba, kendo kane Joab odwogo mi onego jo-Edom alufu apar gariyo e Holo mar Chumbi. Yaye Nyasaye, isedagiwa mi imuomori kuomwa; isebedo ka ikecho kodwa, to koro loswa! ²Iseyiengo piny mi ibare diere ariyo, Los kuondene mosebarore, nikech oyiengni. ³Isenyiso jogi kinde mag chandruok mapek; isemiyowa kongʼo mamiyo wakwangʼ.

⁴To isechungo bandech loch ni joma oluori mondo oumgi ka oywanegi atungʼ. Sela ⁵Reswa kendo konywa gi lweti ma korachwich mondo joma ihero ogol e chandruok. ⁶Nyasaye osewuoyo gie kare maler kowacho niya, “Abiro pogo Shekem ne ji, kendo abiro pimo ne ji Holo mar Sukoth.

⁷Gilead en mara, Manase bende mara; Efraim en oguta mar lweny, to Juda en osimbona mar loch. ⁸Moab en besen mara mar luok, to Edom e kama amoe wuochena; Filistia ema akoke ka aseloyo lweny.” ⁹En ngʼa mabiro kela e dala maduongʼ mochiel motegno? Ngʼa mabiro telona nyaka Edom?

¹⁰Donge in ema isedagiwa, yaye Nyasaye, kendo tinde ok idhi gi jolwenjwa e lweny? ¹¹Miwa kony mondo walo wasikwa, nikech kony mar dhano onge tich. ¹²Wabiro loyo lweny ka Nyasaye nikodwa, kendo obiro nyono wasikwa piny.