Psalms 21

The king rejoices in your strength

Kuom jatend wer. Zaburi mar Daudi. Yaye Jehova Nyasaye, ruoth oil nikech teko ma imiye. Mano kaka en gi mor maduongʼ nikech isemiyo olocho! ²Isemiye gima chunye gombo kendo pok idagi timone kwayone. Sela ³Ne irwake gi gweth momew kendo nisidho osimbo mar dhahabu maler e wiye.

⁴Ne okwayi ngima kendo ne imiye; ne imede ndalo mochwere manyaka chiengʼ. ⁵Kuom loch mane ichiwo, duongʼ mare duongʼ; isemiye huma gi luor. ⁶Adier, isemiye gweth mochwere kendo isemiyo obedo mamor gi mor moa kuomi.

⁷Nikech ruoth ogeno kuom Jehova Nyasaye; kuom hera ma ok rum mar Nyasaye Man Malo Moloyo, ok obi yiengni. ⁸Lweti biro mako wasiki duto; lweti ma korachwich biro ndhiyo joma kedo kodi. ⁹E sa ma ibiro chopoe, to ibiro miyo gichal gi kendo mar mach mager. Jehova Nyasaye biro mwonyogi kuom mirimbe mager, kendo mach mare biro tiekogi.

¹⁰Ibiro tieko kothgi mi rum e piny, kendo nyithindgi biro rumo e dier ji. ¹¹Kata obedo ni gichano timoni marach kendo giloso chenro maricho, to ok ginyal loyo; ¹²nikech ibiro miyo gilok dier ngʼegi ka ibiro dimbogi gi atungʼ moywa.

¹³Yud duongʼ, yaye Jehova Nyasaye, kuom tekoni maduongʼ; wabiro wer kendo pako nyalo mari.