Psalms 121

My help comes from the Lord

Oluyimba nga balinnya amadaala. Nnyimusa amaaso gange eri ensozi, okubeerwa kwange kuva wa? ²Okubeerwa kwange kuva eri Mukama, eyakola eggulu n’ensi. ³Taliganya kigere kyo kusagaasagana; oyo akukuuma taabongootenga.

⁴Laba, oyo akuuma Isirayiri taabongootenga so teyeebakenga. ⁵Mukama ye mukuumi wo; Mukama y’akusiikiriza ku mukono gwo ogwa ddyo; ⁶emisana enjuba teekwokyenga, wadde omwezi ekiro.

⁷Mukama anaakukuumanga mu buli kabi; anaalabiriranga obulamu bwo. ⁸Mukama anaakukumanga amagenda go n’amadda, okuva leero n’okutuusa emirembe gyonna.