Psalms 113

From the rising of the sun to its setting

¹यहोवा के परसंसा करव। हे यहोवा के सेवकमन, तुमन ओकर परसंसा करव; यहोवा के नांव के परसंसा करव। ²यहोवा के नांव के परसंसा होवय, अब अऊ हमेसा-हमेसा बर ओकर परसंसा होवय। ³उदयाचल ले लेके अस्ताचल तक यहोवा के परसंसा होवय। ⁴यहोवा ला जम्मो जाति के ऊपर उठाय जाथे, ओकर महिमा अकास ले घलो ऊंच हवय। ⁵यहोवा हमर परमेसर सहीं कोन हे, जऊन ह कि ऊंच म बिराजमान हवय, ⁶जऊन ह झुकके अकास अऊ धरती ला देखथे?

⁷ओह गरीब ला धुर्रा ले उठाथे अऊ राख के कुढ़ा ले जरूरतमंद ला ऊपर करथे; ⁸ओह ओमन ला हाकिममन के संग, अपन मनखेमन के हाकिममन संग बईठाथे। ⁹ओह बांझ माईलोगन ला ओकर घर म अइसे बसाथे, जइसे लइकामन के खुसी ले भरे एक दाई ला। यहोवा के परसंसा होवय।