Nehemiah 7

Guards for the city

Sang nahuman na ang pader sang siyudad, kag napangtakod na ang mga sira sini, ginbutang sa ila katungdanan ang mga guwardya sang mga puwertahan [sang templo], ang mga manugkanta [sa templo], kag ang mga Levita. ²Ginhatag ko ang responsibilidad sa pagdumala sa Jerusalem sa akon utod nga si Hanani kaupod kay Hanania nga kumander sang [mga guwardya sa] mabakod nga kuta. Ginpili ko si Hanania kay masaligan siya kag nagatahod sa Dios labaw sa kalabanan. ³Nagsiling ako sa ila, “Indi ninyo pagpabay-an nga bukas ang mga puwertahan sang siyudad kon udtong-adlaw, bisan may mga guwardya pa nga nagabantay. Dapat siradhan gid ini kag kandaduhan. Magbutang man kamo sang mga guwardya halin sa mga pumuluyo sang Jerusalem. Ang iban sa ila ibutang [sa pader sang siyudad nga] malapit sa ila mga balay, kag ang iban naman ibutang sa iban pa nga parte sang pader.”

The list of those who returned

⁴Sadto nga tion, malapad ang siyudad [sang Jerusalem] pero diutay lang ang mga pumuluyo sini kag diutay man ang mga balay. ⁵Gani ginbutang sang akon Dios sa akon hunahuna nga tipunon ang mga pangulo, mga opisyal, kag ang iban pa nga mga pumuluyo para i-census sila suno sa kada pamilya. Nakita ko ang lista sang mga pamilya nga una nga nagbalik halin sa pagkabihag. Amo ini ang nakasulat didto: ⁶Ang masunod amo ang mga Israelinhon sa probinsya sang Juda nga ginbihag sadto ni Haring Nebucadnezar sa Babilonia. Karon naghalin na sila sa Babilonia kag nagbalik sa Jerusalem kag sa iban pa nila nga mga banwa sa Juda.

⁷Ang nagpangulo sa ila sa pagbalik amo sila ni Zerubabel, Jeshua, Nehemias, Azaria, Raamia, Nahamani, Mordecai, Bilshan, Misperet, Bigvai, Nehum, kag Baanah. Amo ini ang lista sang katawhan sang Israel [nga nagbalik halin sa pagkabihag]: ⁸Mga kaliwat ni Parosh 2,172 ⁹Shefatia 372 ¹⁰Ara 652 ¹¹Pahat Moab (halin sa mga pamilya ni Jeshua kag ni Joab) 2,818 ¹²Elam 1,254 ¹³Zatu 845 ¹⁴Zacai 760

¹⁵Binui 648 ¹⁶Bebai 628 ¹⁷Azgad 2,322 ¹⁸Adonikam 667 ¹⁹Bigvai 2,067 ²⁰Adin 655 ²¹Ater (nga ginatawag man nga Hezekia) 98 ²²Hashum 328

²³Bezai 324 ²⁴Harif 112 ²⁵Gibeon 95 ²⁶[Amo ini ang kadamuon sang mga tawo nga ang ila mga katigulangan nag-estar sa sining masunod nga mga banwa]: Betlehem kag Netofa 188 ²⁷Anatot 128 ²⁸Bet Azmavet 42 ²⁹Kiriat Jearim, Kefira, kag Beerot 743 ³⁰Rama kag Geba 621

³¹Micmash 122 ³²Betel kag Ai 123 ³³Nebo 52 ³⁴Elam 1,254 ³⁵Harim 320 ³⁶Jerico 345 ³⁷Lod, Hadid, kag Ono 721 ³⁸Senaa 3,930

³⁹[Amo ini ang mga kaliwat sang] mga pari [nga nagbalik halin sa pagkabihag]: Mga kaliwat ni Jedaya (halin sa pamilya ni Jeshua) 973 ⁴⁰Imer 1,052 ⁴¹Pashur 1,247 ⁴²Harim 1,017 ⁴³[Amo ini ang mga kaliwat sang] mga Levita [nga nagbalik man halin sa pagkabihag]: Mga kaliwat ni Jeshua kag Kadmiel (halin sa pamilya ni Hodavia) 74 ⁴⁴Mga manugkanta [sa templo] nga mga kaliwat nila ni Asaf 148 ⁴⁵Mga guwardya sang mga puwertahan [sang templo] nga mga kaliwat nila ni Shalum, Ater, Talmon, Akub, Hatita, kag Shobai 138 ⁴⁶[Amo ini ang mga kaliwat sang] mga suluguon sa templo [nga nagbalik man halin sa pagkabihag]: Mga kaliwat ni Ziha, Hasufa, Tabaot,

⁴⁷Keros, Sia, Padon, ⁴⁸Lebana, Hagaba, Shalmai, ⁴⁹Hanan, Gidel, Gahar, ⁵⁰Reaya, Rezin, Nekoda, ⁵¹Gazam, Uza, Pasea, ⁵²Besai, Meunim, Nefushesim, ⁵³Bakbuk, Hakufa, Harhur, ⁵⁴Bazlut, Mehida, Harsha,

⁵⁵Barkos, Sisera, Tema, ⁵⁶Nezia, kag Hatifa. ⁵⁷Nagbalik man halin sa pagkabihag ang mga kaliwat sang mga suluguon ni Solomon: Ang mga kaliwat ni Sotai, Soferet, Perida, ⁵⁸Jaala, Darkon, Gidel, ⁵⁹Shefatia, Hatil, Pokeret Hazebaim, kag Amon.

⁶⁰Ang kadamuon nila nga mga kaliwat sang mga suluguon sa templo kag mga kaliwat sang mga suluguon ni Solomon, 392. ⁶¹May 642 man nga nagbalik [sa Jerusalem] halin sa mga banwa sang Tel Mela, Tel Harsha, Kerub, Adon, kag Imer. Ini sila mga kaliwat ni Delaya, Tobia, kag Nekoda, pero indi nila mapamatud-an nga mga Israelinhon sila. ⁶²Indi man mapamatud-an sang mga kaliwat ni Hobaya, Hakoz, kag Barzilai nga mga pari sila. (Sang nagpangasawa ining si Barzilai, gindala niya ang ngalan sang iya ugangan nga si Barzilai nga taga-Gilead.) Tungod nga indi nila makita ang lista sang ila mga katigulangan, wala sila ginbaton nga mga pari.

⁶³Ginsilingan sila sang gobernador [sang Juda] nga indi sila puwede magkaon sang mga pagkaon nga ginhalad sa Dios hasta nga may ara sang pari nga makapamangkot [sa Dios parte sa ila pagkapari paagi] sa Urim kag Thumim. ⁶⁴Ang kabilugan sang mga nagbalik halin sa pagkabihag 42,360, ⁶⁵wala labot sa mga suluguon nila nga lalaki kag babayi nga 7,337 kag mga manugkanta nga lalaki kag babayi nga 245.

⁶⁶May dala sila nga 736 ka kabayo, 245 ka mula, ⁶⁷435 ka camel, kag 6,720 ka donkey. ⁶⁸Ang iban nga mga pangulo sang mga pamilya nag-amot para sa pagpatindog liwat sang templo. Ang gobernador naghatag sang walo ka kilo nga mga sensilyo nga bulawan, 50 ka yahong [nga gamiton sa templo], kag 530 ka panid nga bayo para sa mga pari.

⁶⁹Ang iban nga mga pangulo sang mga pamilya naghatag para sa sini nga buluhaton sang 168 ka kilo nga mga sensilyo nga bulawan kag 1,200 ka kilo nga pilak.

Gifts for the work

⁷⁰Ang kabilugan nga ginhatag sang iban pa nga mga tawo 168 ka kilo nga mga sensilyo nga bulawan, 1,100 ka kilo nga pilak, kag 67 ka panid nga bayo para sa mga pari. ⁷¹Ang tagsa sa ila nagbalik sa mga banwa nga sa diin naghalin ang ila mga pamilya, pati ang mga pari, ang mga Levita, ang mga manugkanta, ang mga guwardya sang mga puwertahan [sang templo], kag ang mga suluguon sa templo. Pag-abot sang ikapito nga bulan, sang nagaestar na ang mga Israelinhon sa ila mga banwa,