Psalms 91

He who dwells in the shelter of the Most High

Si bisan kinsa nga mangayo sa pagpanalipod sa Labing Halangdong Dios nga Makagagahom, panalipdan niya. ²Makaingon siya sa Ginoo, “Ikaw ang akong tigpanalipod ug lig-ong tago-anan. Ikaw ang akong Dios nga ginasaligan.” ³Luwason ka gayod niya gikan sa mga lit-ag ug sa makapatay nga mga balatian.

⁴Panalipdan ka niya sama sa usa ka langgam nga nagpanalipod sa iyang mga piso ilalom sa iyang mga pako. Sa iyang pagkamatinumanon, panalipdan ka niya ug labanan. ⁵Dili ka angayng mahadlok sa mga makalilisang nga panghitabo, sa mga motakboy nga balatian, ug sa mga katalagman nga moabot, sa gabii man o sa adlaw. ⁶Bisan linibo pa ka mga tawo ang mangamatay sa imong palibot, ikaw dili maunsa.

⁷Makita mo na lang kon unsaon pagsilot ang daotang mga tawo. ⁸Tungod kay gihimo mo mang dalangpanan ang Ginoo, ang Labing Halangdong Dios nga akong tigpanalipod, ⁹walay kalamidad o katalagman nga moabot kanimo o sa imong panimalay.

¹⁰Kay sugoon sa Dios ang iyang mga anghel sa pagbantay kanimo bisan asa ka moadto. ¹¹Sakwaton ka nila aron dili masamad ang imong tiil sa mga bato. ¹²Tumban mo ang mga liyon ug ang malala nga mga bitin.

¹³Miingon ang Dios, “Luwason ko ug panalipdan ang naghigugma ug nag-ila kanako. ¹⁴Kon motawag siya kanako, tubagon ko siya; kon anaa siya sa kalisod, ubanan ko siya; luwason ko siya ug pasidunggan. ¹⁵Hatagan ko siyag taas nga kinabuhi, ug ipakita ko kaniya kon unsaon ko siya pagluwas.”