Psalms 87

All my springs are in you

Ang awit sa mga anak ni Kora. Gitukod sa Ginoo ang siyudad sa Zion didto sa balaang mga bungtod. Gihigugma niya kining siyudara labaw sa tanang mga dapit sa Israel. ²Maayong mga butang ang gipanulti niya mahitungod niining iyang siyudad. ³Miingon siya, “Kon ilista ko ang mga nasod nga nag-ila kanako, i-apil ko ang Ehipto ug ang Babilonia, apil usab ang Filistia, Tiro, ug Etiopia. Isipon ko ang ilang katawhan nga mga lumad sa Zion.” ⁴Sa pagkatinuod isulti kini mahitungod sa Zion: “Daghang mga katawhan ang isipon nga gipanganak dinhi. Ug ang Labing Halangdong Dios gayod mao ang molig-on niining siyudara.” ⁵Ilista unya sa Ginoo ang iyang mga katawhan ug i-apil niya ang mga katawhan gikan sa ubang nasod nga giisip niyang mga lumad sa Zion.

⁶Silang tanan mosayaw ug moawit, “Gikan sa Zion ang tanan natong panalangin!”