Proverbs 24

Do not envy the wicked

Ayaw kasina sa mga daotan o paninguha nga makighigala kanila, ²kay ang ilang gihuna-huna ug gipanulti mao ang pagpasakit sa uban. ³Pinaagi sa kaalam matukod ang usa ka balay, ug mapalig-on kini pinaagi sa maayong panabot; ug ang mga kuwarto niini mapuno sa nindot ug mahalon nga mga kabtangan pinaagi sa kahibalo.

⁴Ang mga tawong maalamon dakog ikatabang panahon sa gira, ⁵kay kinahanglan ang ilang mga tambag sa pagpakig-gira. Ug mas dako ang tsansa nga modaog kon daghan ang magtatambag. ⁶Dili matugkad sa tawong buang-buang ang kaalam. Wala siyay ikasulti kon maalamong mga butang nay hisgotan.

⁷Ang tawong magplano kanunay ug daotan ilado nga tigpasiugdag daotan. ⁸Sala ang bisan unsay ipasiugda sa tawong buang-buang, ug ngil-aran ang mga tawo sa bugal-bugalon. ⁹Kon mawad-an kag paglaom sa panahon sa kalisod, timailhan kana nga ikaw huyang.

¹⁰Ayaw pagduha-duha sa pagluwas sa mga tawo nga dili sad-an nga gihukman nga patyon. ¹¹Moingon ka nga wala ka mahibalo bahin niini, apan nahibalo ang Dios kon nagsulti ka sa tinuod o wala. Nagbantay siya kanimo ug nakahibalo siya kon unsay anaa sa imong huna-huna. Balosan ka niya sumala sa imong binuhatan. ¹²Anak, maingon nga ang dugos tam-is ug makaayo kanimo, ingon usab niana ang kaalam. Kay kon maalamon ka, aduna kay maayong kaugmaon ug dili mapakyas ang imong mga pangandoy.

¹³Ayaw pag-awat sa tawong daotan nga manglungkab sa pinuy-anan sa tawong matarong. ¹⁴Kay bisan makapito pa mapandol ang tawong matarong, makabangon ra gihapon siya. Apan kon ang daotan ang malaglag, dili na siya makabangon pa. ¹⁵Ayaw pagmaya kon adunay daotang mahitabo sa imong kaaway.

¹⁶Makita sa Ginoo ang imong gibuhat, ug dili niya kini magustohan; ug undangan niya ang pagsilot sa imong kaaway. ¹⁷Ayawg kalagot o kasina sa daotang mga tawo, ¹⁸kay wala silay maayong kaugmaon ug mahisama sila sa suga nga napalong.

¹⁹Anak, tahora ang Ginoo ug ang hari. Ayaw pakig-uban sa mga tawong nakigbatok kanila, ²⁰kay wala ka masayod kon unsay kalaglagan nga kalit nga ipadala sa Ginoo o sa hari ngadto kanila. ²¹Ania pay laing mga panultihon gikan sa maalamon nga mga tawo: Dili maayo nga aduna kay pinalabi sa imong paghukom.

²²Kon ipalingkawas mo ang nakasala, tunglohon ug kapungtan ka sa mga tawo.

More sayings of the wise

²³Apan kon silotan mo ang nakasala, panalanginan ka ug mouswag ka pa. ²⁴Ang dili bakak nga tubag nagpadayag sa tinuoray nga panaghigalaay. ²⁵Andama una ang imong panginabuhian, sama sa uma, sa dili ka pa magtukod ug panimalay.

²⁶Ayaw pagsaksi batok sa imong isigka-tawo sa walay igong hinungdan, o manugilon ug bakak bahin kaniya. ²⁷Ayaw pag-ingon, “Balosan ko siya sa iyang gihimo kanako. Himuon ko usab kaniya ang iyang gihimo kanako.” ²⁸Miagi ako sa uma sa usa ka tawong tapolan ug walay panabot.

²⁹Puno na kini sa mga sagbot ug sampinit, ug guba na ang koral niini. ³⁰Gipamalandongan ko pag-ayo kining akong nakita ug nakuha ko kini nga leksyon: ³¹Higda-higda, tulog-tulog, ug pagpangiyugpos gamay, tawong tapolan, ³²ug sa kalit lang moabot kanimo ang kawad-on nga daw sama sa armadong tulisan.