Nehemiah 7

Guards for the city

Sa dihang nahuman na ang paril sa siyudad, ug nataod na ang mga sira sa ganghaan niini, gibutang sa ilang katungdanan ang mga tigbalantay sa mga ganghaan, ang mga mag-aawit, ug ang mga Levita. ²Gihatag ko ang katungdanan sa pagdumala sa Jerusalem ngadto sa akong igsoon nga si Hanani uban kang Hanania nga komander sa mga tigbalantay sa tibuok palasyo. Gipili ko si Hanania kay kasaligan siya ug nagtahod sa Dios labaw sa uban. ³Giingnan ko sila, “Ayaw ninyo pasagdi nga abli ang mga ganghaan sa siyudad kon udtong tutok, bisan adunay mga tigbalantay pa nga nagbantay. Kinahanglang sirad-an gayod kini ug kandadohan. Pagbutang usab kamo ug mga tigbalantay nga taga-Jerusalem. Ang uban kanila pabantaya atbang sa ilang mga balay. Ang uban usab ipahimutang sa ubang mga dapit.”

The list of those who returned

⁴Niadtong panahona, lapad ang siyudad sa Jerusalem apan diyutay lang ang mga lumulupyo niini ug diyutay lang usab ang mga balay nga natukod. ⁵Unya gibutang sa akong Dios sa akong huna-huna nga tigomon ang mga pangulo, mga opisyal, ug ang uban pang mga lumulupyo aron marehistro sumala sa ilang kagikan. Nakita ko ang lista sa mga pamilya nga unang namalik gikan sa pagkabihag. Mao kini ang nasulat didto: ⁶Adunay mga Israelinhon sa probinsya sa Juda nga gibihag kaniadto ni Haring Nebucadnezar ug gidala sa Babilonia. Karon, mihawa na kini sila sa Babilonia ug namalik sa Jerusalem ug sa ilang kaugalingong mga lungsod sa Juda.

⁷Ang nangulo kanila sa pagbalik sa Jerusalem mao sila si Zerubabel, Jeshua, Nehemias, Azaria, Raamia, Nahamani, Mordecai, Bilshan, Misperet, Bigvai, Nehum, ug Baana. ⁸Mga kaliwat ni Parosh 2,172 ⁹Mga kaliwat ni Shefatia 372 ¹⁰Mga kaliwat ni Ara 652 ¹¹Mga kaliwat ni Pahat Moab (nga mga kaliwat ni Jeshua ug Joab) 2,818 ¹²Mga kaliwat ni Elam 1,254 ¹³Mga kaliwat ni Zatu 845 ¹⁴Mga kaliwat ni Zacai 760

¹⁵Mga kaliwat ni Binui 648 ¹⁶Mga kaliwat ni Bebai 628 ¹⁷Mga kaliwat ni Azgad 2,322 ¹⁸Mga kaliwat ni Adonikam 667 ¹⁹Mga kaliwat ni Bigvai 2,067 ²⁰Mga kaliwat ni Adin 655 ²¹Mga kaliwat ni Ater (nga gitawag usab ug Ezequias)98 ²²Mga kaliwat ni Hashum 328

²³Mga kaliwat ni Bezai 324 ²⁴Mga kaliwat ni Harif 112 ²⁵Mga kaliwat ni Gibeon 95 ²⁶Mao kini ang ihap sa mga tawo nga namalik gikan sa pagkabihag, nga ang mga katigulangan nagpuyo niini nga mga lungsod: Gikan sa Betlehem ug Netofa 188 ²⁷Mga namalik gikan sa Anatot 128 ²⁸Mga namalik gikan sa Bet Azmavet 42 ²⁹Mga namalik gikan sa Kiriat-Jearim, Kefira, ug Beerot 743 ³⁰Mga namalik gikan sa Rama ug Geba 621

³¹Mga namalik gikan sa Mikmas 122 ³²Mga namalik gikan sa Betel ug Ai 123 ³³Mga namalik gikan sa usa ka kaliwat ni Nebo 52 ³⁴Mga namalik gikan sa usa ka kaliwat ni Elam 1,254 ³⁵Mga namalik gikan sa Harim 320 ³⁶Mga namalik gikan sa Jerico 345 ³⁷Mga namalik gikan sa Lod, Hadid, ug Ono 721 ³⁸Mga namalik gikan sa Senaa 3,930

³⁹Mao kini ang mga pari nga namalik gikan sa pagkabihag: Ang mga kaliwat ni Jedaya (sa pamilya ni Jeshua) 973 ⁴⁰Ang mga kaliwat ni Imer 1,052 ⁴¹Ang mga kaliwat ni Pashur 1,247 ⁴²Ang mga kaliwat ni Harim 1,017 ⁴³Mao kini ang mga Levita nga namalik usab gikan sa pagkabihag: Mga kaliwat nila ni Jeshua ug Kadmiel, nga mga kaliwat ni Hodavia, 74.

⁴⁴Mga mag-aawit sa Templo, nga mga kaliwat nila ni Asaf, 148. ⁴⁵Mga tigbalantay sa Templo (nga mga kaliwat nila ni Shalum, Ater, Talmon, Akub, Hatita, ug Shobai), 138. ⁴⁶Mao kini ang mga kaliwat sa mga sulugoon sa Templo nga namalik usab gikan sa pagkabihag: Ang mga kaliwat nila ni Ziha, Hasufa, Tabaot, ⁴⁷Keros, Siaha, Padon, ⁴⁸Lebana, Hagaba, Shalmai, ⁴⁹Hanan, Gidel, Gahar, ⁵⁰Reaya, Rezin, Nekoda, ⁵¹Gazam, Uza, Pasea,

⁵²Besai, Meunim, Nefusim, ⁵³Bakbuk, Hakufa, Harhur, ⁵⁴Bazlut, Mehida, Harsha, ⁵⁵Barkos, Sisera, Tema, ⁵⁶Nezia, ug Hatifa.

⁵⁷Namalik usab gikan sa pagkabihag ang mga kaliwat sa mga sulugoon ni Solomon: Ang mga kaliwat nila ni Sotai, Hasoferet, Perida, ⁵⁸Jaala, Darkon, Gidel, ⁵⁹Shefatia, Hatil, Pokeret-Hazebaim, ug Amon.

⁶⁰Ang gidaghanon sa mga kaliwat sa mga sulugoon sa Templo ug mga kaliwat sa mga sulugoon ni Solomon, 392. ⁶¹Adunay 642 usab nga namalik sa Juda gikan sa mga lungsod sa Tel Mela, Tel Harsha, Kerub, Adon ug Imer. Kini sila mga kaliwat nila ni Delaya, Tobia, ug Nekoda, apan dili nila mapamatud-an nga sila mga Israelinhon. ⁶²Namalik usab gikan sa pagkabihag ang mga kaliwat ni Hobaya, Hakoz, ug Barzilai nga mga pari sila. (Sa dihang nangasawa kini si Barzilai, gidala niya ang ngalan sa iyang ugangan nga si Barzilai nga taga-Gilead.)

⁶³Tungod kay dili nila makita ang lista sa ilang mga katigulangan, wala sila dawata ingon nga mga pari. ⁶⁴Giingnan sila sa gobernador sa Juda nga dili sila mahimong mokaon sa mga pagkaon nga gihalad ngadto sa Dios hangtod nga adunay pari nga makapangutana sa Dios mahitungod sa ilang pagkapari pinaagi sa Urim ug Tumim. ⁶⁵Ang kinatibuk-ang gidaghanon sa mga namalik gikan sa pagkabihag 42,360, walay labot sa mga sulugoon nila nga lalaki ug babaye nga 7,337 ug mga mag-aawit nga lalaki ug babaye nga 245. Adunay dala silang 736 ka kabayo, 245 ka mula, 435 ka kamelyo, ug 6,720 ka asno.

⁶⁶Unya, ang pipila sa mga pangulo sa mga pamilya nanghatag alang sa buluhaton sa pagtukod pag-usab sa Templo. Ang gobernador mihatag ug walo ka kilong bulawan, 50 ka yahong nga gamiton sa Templo, ug 530 ka bisti alang sa mga pari. ⁶⁷Ang ubang mga pangulo sa mga pamilya mihatag ngadto sa pundo alang niini nga buluhaton ug 168 ka kilo bulawan ug 1,200 ka kilo pilak. ⁶⁸Ang kinatibuk-ang gihatag sa uban pang mga tawo, 168 ka kilong bulawan, 1,100 ka kilong pilak, ug 67 ka bisti alang sa mga pari.

⁶⁹Ang matag-usa kanila namalik sa mga lungsod nga gigikanan sa ilang mga pamilya, apil na ang mga pari, ang mga Levita, ang mga tigbalantay sa mga ganghaan sa Templo, ang mga mag-aawit, ug ang mga sulugoon sa Templo. Pag-abot sa ikapitong bulan sa pagpuyo sa mga Israelinhon sa ilang mga lungsod,