Ecclesiastes 11

Cast your bread on the waters

Ibutang ang imong bahandi sa negosyo kay sa paglabay sa mga adlaw aduna kay mapaabot nga ganansya. ²Ibutang ang imong bahandi sa nagkalain-laing mga negosyo, kay wala ka masayod kon unsa nga kalamidad ang moabot sa kalibotan. ³Kon ang dag-om baga na, moulan. Ug kon asa natumba ang kahoy, didto kini magpabilin.

⁴Kon mag-agad ka sa panahon dili ka gayod makatanom ug wala kay maani. ⁵Maingon nga wala ka masayod kon giunsa pagsugod sa kinabuhi sa bata diha sa tagoangkan sa iyang inahan, dili mo usab masabtan ang ginahimo sa Dios nga Magbubuhat sa tanang butang. ⁶Padayon lang sa pagpananom, kay wala ka masayod hain niini ang motubo pag-ayo, o kon maayo ba hinuon ang pagtubo sa tanan.

Rejoice in your youth

⁷Maayo gayod kon buhi ka pa. ⁸Mao nga paglipay sa tibuok mong kinabuhi, bisan unsa man kini ka taas. Hinuon, hinumdomi nga ang kamatayon moabot ug magdugay kini. Walay kapuslanan ang tanan nga mahitabo sa umaabot. ⁹Batan-on, paglipay ug pahimusli ang imong kinabuhi samtang batan-on ka pa. Himoa ang tanan mong gusto ug paundayoni ang tanan mong hilig, apan hinumdomi nga hukman ka sa Dios sa tanan mong ginahimo.

¹⁰Wad-a ang kabalaka ug ayawg tagda ang sakit sa imong lawas kay ang pagkabatan-on lumalabay lang.