Psalms 99
The Lord is holy
1ཡ་ཝཱེས་སྲིད་དབང་བཟུང་བས་མི་སྡེ་འདར་ཞིག་ཨང་། །ས་གཞི་གཡོས་དང་ཁོང་ཉིད་ཀེ་རུབ་སྟེང་དུ༌བཞུགས།། 2ཛ་ཡན་ཡུལ་དུ་ཡ་ཝཱེ་ཆེན་པོ་ཡིན་ལགས༌ཤིང༌། །མི་སྡེ་ཡོད་དོ་ཅོག་ལས་ཁོང་ཉིད་རབ་ཏུ༌མཐོ།། 3དེ་ཚོས་ཁོང་གི་མཆོག་ཏུ་གྱུར་ཅིང་གུས་འོས་པའི། །མཚན་ལ་བསྟོད་པར་འོས་ཏེ་ཁོང་ཉིད་དམ་པ༌ལགས།། 4རྒྱལ་པོར་མཐུ་སྟོབས་ལྡན་ཞིང་དྲང་བདེན་ལ་དགྱེས༌ཤིང༌། །ཁྱེད་ཀྱིས་དྲང་གཞག་བརྟན་པོར་གནས་པར་མཛད་པ༌དང༌། །ཡ་ཀོབ་ཁྱིམ་དུ་དྲང་གཞག་དྲང་བདེན་ལག་ལེན༌བཏབ།། 5ཁྱོད་ཚོས་ངེད་ཀྱི་དཀོན་མཆོག་ཡ་ཝཱེར་བསྟོད་པར༌གྱིས། །དམ་པ་ཉིད་ཀྱི་ཞབས་སྟེགས་དྲུང་དུ་ཕྱག་ཕུལ༌ཞིག། 6ཁོང་གི་མཆོད་དཔོན་ཁྲོད་དུ་མོ་ཤེ་ཨ་རོན༌ཡོད། །ཁོང་མཚན་ཞུ་མཁན་གྲས་སུ་སཱ་མུ་ཨེལ་ཡོད༌ཅིང༌། །དེ་ཚོས་ཡ་ཝཱེར་ཞུས་པས་ཁོང་གིས་བཀའ་ལན༌གནང༌།། 7སྤྲིན་གྱི་ཀ་བའི་ནང་དུ་ཁོ་ཚོར་གསུང་གླེང༌མཛད། །དཔང་ཡིག་སྒྲིག་ཁྲིམས་གནང་བ་དེ་ཚོས་བསྲུངས་པ༌ཡིན།། 8ཀྱེ་ཀྱེ་དཀོན་མཆོག་ཡ་ཝཱེ་ང་ཚོའི་དཀོན་མཆོག༌ལགས། །ཁྱེད་ཀྱིས་དེ་ཚོར་བཀའ་ལན་གནང་བར་མཛད་པ༌དང༌། །དེ་ཚོར་ཅི་བྱས་བཞིན་དུ་ཉེས་ཆད་བཅད༌ན་ཡང་། །ཁྱེད་ཉིད་མི་ལ་སྡིག་སེལ་གནང་བའི་དཀོན་མཆོག༌ཡིན།།
9ཁྱོད་ཚོས་ངེད་ཀྱི་དཀོན་མཆོག་ཡ་ཝཱེར་བསྟོད་པར༌གྱིས། །ངེད་ཀྱི་དཀོན་མཆོག་ཡ་ཝཱེ་དམ་པ་ཡིན་པས༌ན། །ཁྱོད་ཚོས་ཁོང་གི་རི་བོ་དམ་པར་ཕྱག་ཕུལ༌ཞིག།