Psalms 111
The beginning of wisdom
1ཁྱོད་ཚོས་ཡ་ཝཱེར་བསྟོད་པར་གྱིས་ཤིག༌ཨང༌། །དྲང་པོའི་གྲོས་ཚོགས་དང་ནི་འདུ་འཛོམས༌ཁྲོད། །བློ་རྩེ་གཅིག་གིས་ཡ་ཝཱེར་གཏང་རག༌འབུལ།། 2ཡ་ཝཱེའི་འཕྲིན་ལས་ཤིན་ཏུ་ཆེན་པོ༌ཡིན། །དགའ་མཁན་རྣམས་ཀྱིས་དེ་ལ་འབད་པས༌དཔྱོད།། 3ཁོང་གི་མཛད་པར་དཔལ་དང་གཟི་བརྗིད༌མངའ། །ཉིད་ཀྱི་དྲང་བདེན་རྒྱུན་ནས་རྒྱུན་དུ༌གནས།། 4ཁོང་གི་རྨད་བྱུང་རྣམས་ཀྱི་དྲན་རྟེན༌བཞག །ཡ་ཝཱེ་བཀའ་དྲིན་ཆེ་ཞིང་སྙིང་རྗེ༌ལྡན།། 5གུས་ཤིང་འཇིགས་པའི་མི་ལ་ཁ་ཟས༌གནང༌། །ཉིད་ཀྱི་ཞལ་ཆད་རྟག་ཏུ་ཐུགས་སུ༌དྲན།། 6མི་རིགས་གཞན་རྣམས་རང་གི་མི་སྡེ༌ལ། །ནོར་སྐལ་གནང་ནས་ཉིད་ཀྱི་མཐུ་སྟོབས༌མངོན།། 7ཁོང་གི་འཕྲིན་ལས་བདེན་ཞིང་དྲང་གཞག༌ཡིན། །ཁོང་གི་བསླབ་བྱ་ཡིད་རྟོན་རུང་བ༌ཡིན།། 8ཁོང་གི་བསླབ་བྱ་ནམ་ཡང་འགྱུར་བ༌མེད། །བདེན་ཞིང་དྲང་བའི་ལམ་ནས་བཀོད་ལེགས༌སོ།།
9ཁོང་གིས་ཉིད་ཀྱི་མི་སྡེར་ཐར་པ༌གནང༌། །ཁོང་གི་ཞལ་ཆད་ཇི་སྲིད་བར་དུ༌བཞག །ཁོང་མཚན་དམ་པ་དང་ནི་བཀུར་འོས་ཡིན།། 10ཡ་ཝཱེ་མཆོག་ལ་གུས་ཤིང་འཇིགས་པ༌ནི། །ཤེས་རབ་ཐོག་མ་ཡིན་ཞིང་དེ་བཞིན༌དུ། །སྤྱོད་མཁན་ཐམས་ཅད་མཁས་མཛངས་ལྡན་པ༌དང༌། །ཁོང་ལ་རྒྱུན་ནས་རྒྱུན་དུ་བསྟོད་འོས༌སོ།།