Hohelied 1

Er küsse mich

Ko te waiata o ngā waiata, ko tā Horomona. ²Kia kihia ahau e ia ki ngā kihi a tōna māngai! He pai atu hoki tōu aroha i te wāina. ³He kakara pai tō ōu hinu; ko tōu ingoa ānō he hinu kua oti te riringi; nā reira i aroha ai ngā wāhina ki a koe.

⁴Kūmea ahau; ka rere atu mātou, ka whai i a koe; kua oti ahau te kawe e te kīngi ki ōna rūma. Ngā Hoa Ka koa mātou, ka hari ki a koe; engari tōu aroha i te wāina hei maharatanga atu mā mātou. E tika ana tō rātou aroha ki a koe! ⁵He mangu ahau, otiia he ātaahua anō, e ngā tamāhine o Hiruhārama, rite tonu anō ki ngā tēneti o Kerara, ki ngā kākahu tauārai o Horomona. ⁶Kaua e titiro mai ki ahau, nō te mea he parauri ahau, nō te mea kua tahuna ahau e te rā. I riri ngā tama a tōku whaea ki ahau, meinga ana ahau e rātou hei kaitiaki mō ngā māra wāina; ko tāku māra ia, ko tāku ake, kīhai i tiakina e ahau.

⁷Whakaaturia mai ki ahau, e tā tōku wairua e aroha nei, ko hea koe whāngai ai, ko hea koe mea ai i tāu kāhui kia takoto i te poutūmārōtanga. Kia rite ahau hei aha ki te māhunga taupoki i te taha o ngā kāhui a ōu hoa? ⁸Ki te kore koe e mōhio, e te mea ātaahua rawa o ngā wāhine, haere atu i runga i ngā takahanga o ngā hipi, ka whāngai i āu kūao koati i te taha o ngā nohoanga o ngā hēpara. ⁹Kua whakaritea koe e ahau, e tāku e aroha nei, ki tētahi o ngā hōiho o ngā hāriata o Parao.

¹⁰He ātaahua ōu pāpāringa i ngā whiri o ngā makawe, tōu kakī i ngā tautau o ngā mea whakapaipai. ¹¹Ka hangā e mātou ētahi mekameka kōura mōu, he mea tia ki te hiriwa. ¹²I te kīngi e noho ana i tōna tēpu, ka puta te kakara o tōku nara.

¹³Ko te rite ki ahau o tāku e aroha nei kei te paihere maira, e takoto nei i waenganui i ōku ū. ¹⁴He tautau hena ki ahau tāku e aroha nei, i ngā māra wāina o Enekeri. ¹⁵Nanā, he ātaahua koe, e tāku e aroha nei; nanā, he purotu koe; ko ōu kanohi kei te kūkupa.

¹⁶Nanā, he ātaahua koe, e tāku kaingākau, āe rā, he āhuareka. Matomato tonu anō hoki tō tāua moenga; ¹⁷he hīta ngā kurupae o tō tāua whare, he kauri ngā heke.