Psalmen 14
Der Tor spricht in seinem Herzen
1༼དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ གླེན་པས་སེམས་སུ་དཀོན་མཆོག་མེད་ཅེས༌སྨྲ། །དེ་རྣམས་ཉམས་ནས་ཞེན་ལོག༌ཉེས་པ་བྱས། །བཟང་པོ་བྱེད་མཁན་གཅིག་ཀྱང་ཡོད་མ༌ཡིན།། 2གོ་བ་ཅན་དང་དཀོན་མཆོག་འཚོལ་བའི༌མི། །ཡོད་དང་མེད་པར་གཟིགས་པའི་ཆེད་དུ༌ནི། །ཡ་ཝཱེས་གནམ་ནས་མི་བུ་རྣམས་ལ༌གཟིགས།། 3ཐམས་ཅད་དྲང་པོའི་ལམ་དང་བྲལ་ནས༌ནི། །ལྷན་ཅིག་བཙོག་པར་གྱུར་ཅིང་དེ་རྣམས༌ལས། །ལས་བཟང་སྒྲུབ་མཁན་ཡོད་པ་མ་ཡིན་ལ། །དེ་འདྲ་གཅིག་ཀྱང༌ཡོད་པ་མ་ཡིན་ནོ།། 4ང་ཡི་འབངས་མི་བག་ལེབ་བཞིན་མིད༌ཅིང༌། །ཡ་ཝཱེའི་མཚན་ནི་མི་འབོད་ལས་ངན༌པ། །བྱེད་མཁན་ཀུན་ལ་བློ་གྲོས་ཡེ་མེད༌དམ།། 5དཀོན་མཆོག་དྲང་པོའི་ཚོགས་སུ་བཞུགས་པས༌ན། །འཇིགས་སྐྲག་ཆེན་པོ་དེ་རྣམས་སྟེང་དུ༌བབས།། 6ཁྱོད་ཚོས་དབུལ་པོའི་ཐབས་ཇུས་ཕམ་བྱེད༌ཀྱང༌། །ཡ་ཝཱེ་དེ་ཚོའི་སྐྱབས་གནས་ཡིན་ལགས༌སོ།། 7ཀྱེ་ཀྱེ་ཡེས་ར་ཨེལ་གྱི་ཐར་པ༌ནི། །ཛ་ཡན་ཡུལ་ནས་བྱུང་ན་ཅི་མ༌རུང༌། །ཡ་ཝཱེས་ཉིད་ཀྱི་མི་རྣམས་བཙོན་ལས༌ནི། །ཕྱིར་ཁྲིད་འོང་དུས་ཡ་ཀོབ་དགའ་བ༌དང༌། །ཡེས་ར་ཨེལ་ནི་མགུ་བར་འགྱུར་བ༌འོ།།