Psalmen 122
Ich freute mich, als man mir sagte
1༼ཡར་གནས་མཇལ་དུ་འགྲོ་བའི་དཱ་བིད་ཀྱི་མགུར༌མ།༽ རང་ཅག་ཡ་ཝཱེའི་བཞུགས་གནས་སུ་འགྲོ༌ཞེས། །མི་ཡིས་བདག་ལ་བརྗོད་དུས་སེམས་དགའ༌བྱུང༌།། 2ཀྱེ་མ་ཡེ་རུ་སཱ་ལེམ་ངེད་ཅག༌ནི། །ཁྱེད་ཀྱི་རྒྱལ་སྒོའི་ནང་དུ་འགྲེང་ནས༌ཡོད།། 3མུ་རྒྱུན་གཅིག་ཏུ་འབྲེལ་བའི་གྲོང་ཁྱེར༌ལྟར། །ཡེ་རུ་སཱ་ལེམ་བཞེངས་ནས་གྲུབ་པ༌འོ།། 4ཡེས་ར་ཨེལ་གྱི་ཁྲིམས་སྲོལ་གཞིར་བཞག༌ནས། །ཡ་ཝཱེའི་མཚན་ལ་བསྟོད་བསྔགས་འབུལ་བའི༌ཆེད། །ཡ་ཝཱེའི་ཚོ་ཁག་ཐམས་ཅད་ཡར་ཕྱིན༌ཏོ།། 5དེ་རུ་ཁྲིམས་ཐག་གཅོད་ཕྱིར་ཁྲི་རྣམས༌བཞག །དཱ་བིད་རིགས་རྒྱུད་དག་གི་ཁྲི་རྣམས༌བཞག། 6ཡེ་རུ་སཱ་ལེམ་བདེ་ཕྱིར་སྨོན་ལམ༌ཞུས། །ཁྱེད་ལ་དགའ་བའི་མི་རྣམས་དར་བར༌ཤོག། 7ཁྱེད་ཀྱི་ལྕགས་རིའི་ནང་དུ་དུས་བདེ༌ཤོག །ཕོ་བྲང་ནང་དུ་གཏན་འཇགས་འོང་བར༌ཤོག། 8བདག་གི་སྤུན་དང་གྲོགས་པོ་རྣམས་ཀྱི༌ཆེད། །ཁྱེད་ནང་དུས་བདེ་ཤོག་ཅེས་བདག་གིས༌སྨྲ།།
9དཀོན་མཆོག་ཡ་ཝཱེའི་བཞུགས་གནས་དོན་ཆེད༌དུ། །བདག་གིས་ཁྱེད་ཀྱི་ཕན་དོན་འཚོལ་བར༌བྱ།།