Esra 5
Die Propheten beleben das Werk
וְהִתְנַבִּי חַגַּי (נביאה) נְבִיָּא, וּזְכַרְיָה בַר־עִדּוֹא (נביאיא) נְבִיַּיָּא, עַל־יְהוּדָיֵא, דִּי בִיהוּד וּבִירוּשְׁלֶם; בְּשֻׁם אֱלָהּ יִשְׂרָאֵל עֲלֵיהוֹן (ויתנבאו אליהם בשם אלהי ישראל חגי הנביא וזכריה בן עדוא, נביאי היהודים אשר ביהודה ובירושלים.)׃ ס 2בֵּאדַיִן קָמוּ זְרֻבָּבֶל בַּר־שְׁאַלְתִּיאֵל וְיֵשׁוּעַ בַּר־יוֹצָדָק, וְשָׁרִיו לְמִבְנֵא, בֵּית אֱלָהָא דִּי בִירוּשְׁלֶם; וְעִמְּהוֹן (נביאיא) נְבִיַּיָּא דִי־אֱלָהָא מְסָעֲדִין לְהוֹן (ויקומו זרבבל בן שאלתיאל וישוע בן יוצדק ויחלו לבנות בית האלוהים אשר בירושלים ועמהם נביאי האלוהים אשר היו עוזרים להם.)׃ פ 3בֵּהּ־זִמְנָא אֲתָא עֲלֵיהוֹן תַּתְּנַי פַּחַת עֲבַר־נַהֲרָה וּשְׁתַר בּוֹזְנַי וּכְנָוָתְהוֹן; וְכֵן אָמְרִין לְהֹם, מַן־שָׂם לְכֹם טְעֵם, בַּיְתָא דְנָה לִבְּנֵא, וְאֻשַּׁרְנָא דְנָה לְשַׁכְלָלָה׃ ס 4אֱדַיִן כְּנֵמָא אֲמַרְנָא לְּהֹם; מַן־אִנּוּן שְׁמָהָת גֻּבְרַיָּא, דִּי־דְנָה בִנְיָנָא בָּנַיִן׃ 5וְעֵין אֱלָהֲהֹם, הֲוָת עַל־שָׂבֵי יְהוּדָיֵא, וְלָא־בַטִּלוּ הִמּוֹ, עַד־טַעְמָא לְדָרְיָוֶשׁ יְהָךְ; וֶאֱדַיִן יְתִיבוּן נִשְׁתְּוָנָא עַל־דְּנָה׃ פ
Der Brief Tattenais
6פַּרְשֶׁגֶן אִגַּרְתָּא דִּי־שְׁלַח תַּתְּנַי פַּחַת עֲבַר־נַהֲרָה, וּשְׁתַר בּוֹזְנַי וּכְנָוָתֵהּ, אֲפַרְסְכָיֵא, דִּי בַּעֲבַר נַהֲרָה; עַל־דָּרְיָוֶשׁ מַלְכָּא׃ 7פִּתְגָמָא שְׁלַחוּ עֲלוֹהִי; וְכִדְנָה כְּתִיב בְּגַוֵּהּ, לְדָרְיָוֶשׁ מַלְכָּא שְׁלָמָא כֹלָּא׃ ס 8יְדִיעַ לֶהֱוֵא לְמַלְכָּא, דִּי־אֲזַלְנָא לִיהוּד מְדִינְתָּא לְבֵית אֱלָהָא רַבָּא, וְהוּא מִתְבְּנֵא אֶבֶן גְּלָל, וְאָע מִתְּשָׂם בְּכֻתְלַיָּא; וַעֲבִידְתָּא דָךְ אָסְפַּרְנָא מִתְעַבְדָא וּמַצְלַח בְּיֶדְהֹם׃ ס 9אֱדַיִן, שְׁאֵלְנָא לְשָׂבַיָּא אִלֵּךְ, כְּנֵמָא אֲמַרְנָא לְהֹם; מַן־שָׂם לְכֹם טְעֵם, בַּיְתָא דְנָה לְמִבְנְיָה, וְאֻשַּׁרְנָא דְנָה לְשַׁכְלָלָה׃ 10וְאַף שְׁמָהָתְהֹם שְׁאֵלְנָא לְהֹם לְהוֹדָעוּתָךְ; דִּי נִכְתֻּב שֻׁם־גֻּבְרַיָּא דִּי בְרָאשֵׁיהֹם׃ ס 11וּכְנֵמָא פִתְגָמָא הֲתִיבוּנָא לְמֵמַר; אֲנַחְנָא הִמּוֹ עַבְדוֹהִי דִי־אֱלָהּ שְׁמַיָּא וְאַרְעָא, וּבָנַיִן בַּיְתָא דִּי־הֲוָא בְנֵה מִקַּדְמַת דְּנָה שְׁנִין שַׂגִּיאָן, וּמֶלֶךְ לְיִשְׂרָאֵל רַב, בְּנָהִי וְשַׁכְלְלֵהּ׃ 12לָהֵן, מִן־דִּי הַרְגִּזוּ אֲבָהֳתַנָא לֶאֱלָהּ שְׁמַיָּא, יְהַב הִמּוֹ, בְּיַד נְבוּכַדְנֶצַּר מֶלֶךְ־בָּבֶל (כסדיא) כַּסְדָּאָה; וּבַיְתָה דְנָה סַתְרֵהּ, וְעַמָּה הַגְלִי לְבָבֶל (אך מפני שהכעיסו אבותינו את אלהי השמים מסר אותם ביד נבוכדנצר מלך בבל הכשדי ואת הבית הזה החריב ואת העם הגלה לבבל.)׃ ס 13בְּרַם בִּשְׁנַת חֲדָה, לְכוֹרֶשׁ מַלְכָּא דִּי בָבֶל; כּוֹרֶשׁ מַלְכָּא שָׂם טְעֵם, בֵּית־אֱלָהָא דְנָה לִבְּנֵא׃
14וְאַף מָאנַיָּא דִי־בֵית־אֱלָהָא דִּי דַהֲבָה וְכַסְפָּא, דִּי נְבוּכַדְנֶצַּר, הַנְפֵּק מִן־הֵיכְלָא דִּי בִירוּשְׁלֶם, וְהֵיבֵל הִמּוֹ, לְהֵיכְלָא דִּי בָבֶל; הַנְפֵּק הִמּוֹ כּוֹרֶשׁ מַלְכָּא, מִן־הֵיכְלָא דִּי בָבֶל, וִיהִיבוּ לְשֵׁשְׁבַּצַּר שְׁמֵהּ, דִּי פֶחָה שָׂמֵהּ׃ 15וַאֲמַר־לֵהּ (אלה) אֵל מָאנַיָּא, שֵׂא אֵזֶל־אֲחֵת הִמּוֹ, בְּהֵיכְלָא דִּי בִירוּשְׁלֶם; וּבֵית אֱלָהָא יִתְבְּנֵא עַל־אַתְרֵהּ (ויאמר לו שא את אלה הכלים, "לך והורד אותם בהיכל אשר בירושלים ובית האלוהים ייבנה על מקומו.")׃ ס 16אֱדַיִן שֵׁשְׁבַּצַּר דֵּךְ, אֲתָא, יְהַב אֻשַּׁיָּא דִּי־בֵית אֱלָהָא דִּי בִירוּשְׁלֶם; וּמִן־אֱדַיִן וְעַד־כְּעַן מִתְבְּנֵא וְלָא שְׁלִם׃ 17וּכְעַן הֵן עַל־מַלְכָּא טָב, יִתְבַּקַּר בְּבֵית גִּנְזַיָּא דִּי־מַלְכָּא תַמָּה דִּי בְּבָבֶל, הֵן אִיתַי, דִּי־מִן־כּוֹרֶשׁ מַלְכָּא שִׂים טְעֵם, לְמִבְנֵא בֵּית־אֱלָהָא דֵךְ בִּירוּשְׁלֶם; וּרְעוּת מַלְכָּא עַל־דְּנָה יִשְׁלַח עֲלֶינָא׃ ס