Psalmen 91

Wer unter dem Schirm des Höchsten sitzt

א  ישב בסתר עליון    בצל שדי יתלונן ²ב  אמר--ליהוה מחסי ומצודתי    אלהי אבטח-בו ³ג  כי הוא יצילך מפח יקוש    מדבר הוות ⁴ד  באברתו יסך לך--ותחת-כנפיו תחסה    צנה וסחרה אמתו ⁵ה  לא-תירא מפחד לילה    מחץ יעוף יומם ⁶ו  מדבר באפל יהלך    מקטב ישוד צהרים ⁷ז  יפל מצדך אלף--ורבבה מימינך    אליך לא יגש ⁸ח  רק בעיניך תביט    ושלמת רשעים תראה

⁹ט  כי-אתה יהוה מחסי    עליון שמת מעונך ¹⁰י  לא-תאנה אליך רעה    ונגע לא-יקרב באהלך ¹¹יא  כי מלאכיו יצוה-לך    לשמרך בכל-דרכיך ¹²יב  על-כפים ישאונך    פן-תגף באבן רגלך ¹³יג  על-שחל ופתן תדרך    תרמס כפיר ותנין ¹⁴יד  כי בי חשק ואפלטהו    אשגבהו כי-ידע שמי ¹⁵טו  יקראני ואענהו--עמו-אנכי בצרה    אחלצהו ואכבדהו ¹⁶טז  ארך ימים אשביעהו    ואראהו בישועתי