Psalms 26

Examine me, O Lord

Давіда. Судзі мяне, ГОСПАДЗЕ, бо хадзіў я ў беззаганнасьці маёй і на ГОСПАДА спадзяваўся, не хістаючыся. ²Выпрабуй мяне, ГОСПАДЗЕ, і дасьведчы; ачысьці ныркі мае і сэрца маё! ³Бо міласэрнасьць Твая перад вачыма маімі, і я хаджу ў праўдзе Тваёй.

⁴Я не сяджу з людзьмі марнымі, і з крывадушнымі ня буду хадзіць. ⁵Я ненавіджу сходы злачынцаў, і з бязбожнікамі ня буду сядзець [разам]. ⁶Я абмыю ў нявіннасьці рукі мае і абыйду вакол ахвярніку Твайго, ГОСПАДЗЕ, ⁷каб голасна дзякаваць Табе і абвяшчаць усе цуды Твае.

⁸ГОСПАДЗЕ, я палюбіў сядзібу Дому Твайго і месца Сялібы славы Тваёй. ⁹Не забяры душы маёй з грэшнікамі, ані жыцьця майго з людзьмі крывавымі, ¹⁰у руках якіх брыдота, правіца якіх напоўнена хабарамі.

¹¹А я буду хадзіць у беззаганнасьці маёй. Вызвалі Ты мяне і зьлітуйся нада мною! ¹²Нага мая на роўным [месцы] стаіць; у зграмаджэньнях я буду дабраслаўляць ГОСПАДА.