Psalms 110

Sit at my right hand

Псальм Давіда. Сказаў ГОСПАД Госпаду майму: «Сядзь праваруч Мяне, пакуль пакладу ворагаў Тваіх як падножжа пад стопы Твае!» ²Кій моцы тваёй пашле ГОСПАД з Сыёну: «Мей уладу сярод ворагаў тваіх!» ³Народ твой у дзень магутнасьці тваёй ахвотна зьбярэцца ў аздобе сьвятой; як раса з улоньня сьвітаньня будзе маладосьць твая.

⁴Прысягнуў ГОСПАД і не раскаецца: «Ты — сьвятар на вякі паводле парадку Мэльхісэдэка». ⁵Госпад праваруч цябе ў дзень гневу Свайго скрышыць валадароў, ⁶будзе судзіць народы, усё напоўніць трупамі, скрышыць галаву, што пануе над многімі землямі.

⁷Са струменя нап’ецца ў дарозе і дзеля таго ўзвысіць галаву.