Psalms 121

My help comes from the Lord

E LEHA aku au i ko'u mau maka i na mauna, Mailaila mai ko'u kokua e hiki mai ai. ²Mai Iehova mai ko'u kokua, Nana no i hana i ka lani, a me ka honua. ³Aole ia e haawi i kou wawae i ke kulanalana; O ka mea malama ia oe, aole ia e maluhiluhi.

⁴Aia hoi, o ka mea malama i ka Iseraela, Aole ia e maluhiluhi, aole ia e hiamoe. ⁵O Iehova no kou kiai; O Iehova no kou malu, ma kou lima akau. ⁶Aole e hahau mai ka la ia oe i ke ao, Aole hoi o ka mahina i ka po.

⁷E malama mai no o Iehova ia oe i ka ino a pau; Nana no e malama i kou uhane. ⁸E kiai no o Iehova i kou puka ana iwaho a me kou komo ana iloko, Mai keia wa a ka manawa pau ole.