Matthew 22

The wedding banquet

İsa yenə onlara məsəllərlə xitab edərək dedi: ²«Səmavi Padşahlıq oğluna toy ziyafəti verən bir padşaha bənzəyir. ³O, toy ziyafətinə dəvət olunanları çağırmaq üçün qullarını göndərdi. Lakin onlar gəlmək istəmədi.

⁴Bir daha başqa qulları göndərərək onlara dedi: “Dəvət olunanlara deyin ki, budur, mən ziyafətimi hazırladım, öküzlərim və bəslənmiş heyvanlarım kəsilib, hər şey hazırdır, toy ziyafətinə gəlin!” ⁵Amma dəvət olunanlar etinasızlıq göstərərək kimi tarlasına, kimi ticarətinə getdi. ⁶O biriləri isə onun qullarını tutub təhqir etdilər və öldürdülər.

⁷Padşah bundan xəbər tutaraq qəzəbləndi. Öz qoşunlarını göndərib o qatilləri məhv etdi, şəhərlərini isə yandırdı. ⁸Onda qullarına dedi: “Toy ziyafəti hazırdır, fəqət dəvət olunanlar buna layiq deyil. ⁹Beləliklə, yolayrıclarına gedin və kimi tapsanız, toy ziyafətinə dəvət edin”.

¹⁰Həmin qullar yollara çıxdılar. Pis-yaxşı kimi tapdılarsa, hamısını topladılar. Toy məclisi qonaqlarla doldu. ¹¹Padşah qonaqlara baxmaq üçün girdikdə orada toy libası geyməmiş bir nəfəri gördü, ¹²ona dedi: “Dostum! Sən toy libası geyməmiş buraya necə girdin?” O isə susdu.

¹³O zaman padşah xidmətçilərə dedi: “Onun əllərini, ayaqlarını bağlayın və qaranlıq çölə atın! Orada ağlaşma və diş qıcırtısı olacaq”. ¹⁴Çünki dəvət edilmiş çox, seçilmiş isə azdır».

Give to Caesar what is Caesar's

¹⁵O zaman fariseylər gedib məsləhətləşirdilər ki, Onu söz üstündə necə tutsunlar. ¹⁶Onlar hirodçularla birgə öz şagirdlərini İsanın yanına göndərib dedilər: «Müəllim, biz bilirik ki, Sən etibarlı adamsan, Allahın yolunu həqiqətə görə öyrədirsən və heç kimə tərəfkeşlik etmirsən. Çünki insanlar arasında fərq qoymursan. ¹⁷İndi bizə de görək, Səncə bizim üçün qeysərə vergi verməyə icazə var ya yox?»

¹⁸Amma İsa onların pis niyyətini bilərək dedi: «Ey ikiüzlülər, Məni niyə sınağa çəkirsiniz? ¹⁹Vergi verdiyiniz sikkəni Mənə göstərin». Onlar da Ona bir dinar gətirdilər. ²⁰İsa onlara dedi: «Sikkənin üstündəki bu təsvir və yazı kimindir?»

²¹Ona dedilər: «Qeysərin». O vaxt İsa onlara dedi: «Elə isə, qeysərin haqqını qeysərə, Allahın haqqını Allaha verin». ²²Bunu eşitdikləri zaman heyrətləndilər və İsanı tərk edib getdilər.

The question about the resurrection

²³Həmin gün dirilmənin olmadığını iddia edən bəzi sadukeylər İsanın yanına gəlib soruşdular: ²⁴«Müəllim, Musa belə demişdir: “Əgər bir adam övladsız ölsə, qardaşı onun dul qalmış arvadını alıb ölən qardaşın nəslini davam etdirsin”. ²⁵Aramızda yeddi qardaş var idi. Birincisi bir arvad aldı və öldü. Uşağı olmadığından arvadı ilə qardaşı evləndi.

²⁶İkincisi və üçüncüsü, hətta yeddincisinə qədər eləcə öldü. ²⁷Hamısından sonra bu qadın da öldü. ²⁸İndi ölülər diriləndə bu qadın o yeddi nəfərdən hansının arvadı olacaq? Çünki hamısı bu qadını almışdı».

²⁹İsa onlara cavab verib dedi: «Müqəddəs Yazıları və Allahın qüdrətini bilmədiyinizə görə yanılırsınız. ³⁰Ona görə ki ölülər diriləndə insanlar nə evlənir, nə də ərə gedirlər. Ancaq səmadakı mələklər kimi olurlar. ³¹Bəs ölülərin dirilməsinə gəlincə, Allah tərəfindən sizə “Mən İbrahimin Allahı, İshaqın Allahı və Yaqubun Allahıyam” deyə söylənən sözü oxumamısınızmı? Allah ölülərin deyil, dirilərin Allahıdır».

³²Bunları eşidən camaat Onun təliminə təəccüblənirdi. ³³Fariseylər İsanın sadukeyləri susdurduğunu eşidəndə bir yerə toplaşdılar.

The greatest commandment

³⁴Onlardan biri olan qanunşünas İsanı sınamaq məqsədi ilə Ondan bunu soruşdu: ³⁵«Müəllim, Qanunda ən böyük əmr hansıdır?» ³⁶İsa ona dedi: «“Allahın Rəbbi bütün qəlbinlə, bütün varlığınla və bütün düşüncənlə sev”.

³⁷Bu, böyük və əsas əmrdir. ³⁸Buna bənzəyən ikincisi budur: “Qonşunu özün kimi sev”. ³⁹Bütün Qanun və Peyğəmbərlərin sözləri bu iki əmrə əsaslanır».

⁴⁰Fariseylər toplaşdıqda İsa onlardan bunu soruşdu:

Whose son is the Christ

⁴¹«Məsih haqqında nə düşünürsünüz? O kimin Oğludur?» Onlar da İsaya «Davudun Oğlu» dedilər. ⁴²İsa onlara dedi: «Elə isə, nə üçün Davud Ruh vasitəsilə Ona “Ağa” deyə müraciət edir? ⁴³“Rəbb mənim Ağama dedi: ‹Mən düşmənlərini ayaqlarının altına salanadək Sağımda otur›” deyib.

⁴⁴Əgər Davud Ona “Ağa” deyə müraciət edirsə, O necə Davudun oğlu ola bilər?» ⁴⁵Bunun cavabında İsaya kimsə bir söz deyə bilmədi. O gündən sonra artıq heç kim Ondan bir şey soruşmağa cəsarət etmədi.