Psalms 3
Many rise against me
א מזמור לדוד בברחו מפני אבשלום בנו 2ב יהוה מה-רבו צרי רבים קמים עלי 3ג רבים אמרים לנפשי אין ישועתה לו באלהים סלה 4ד ואתה יהוה מגן בעדי כבודי ומרים ראשי 5ה קולי אל-יהוה אקרא ויענני מהר קדשו סלה 6ו אני שכבתי ואישנה הקיצותי--כי יהוה יסמכני 7ז לא-אירא מרבבות עם-- אשר סביב שתו עלי 8ח קומה יהוה הושיעני אלהי-- כי-הכית את-כל-איבי לחי שני רשעים שברת [ (Psalms 3:9) ט ליהוה הישועה על-עמך ברכתך סלה ]
Copied!
Aa