Job 26

These are but the edges of his ways

א                  ויען איוב ויאמר ²ב  מה-עזרת ללא-כח    הושעת זרוע לא-עז ³ג  מה-יעצת ללא חכמה    ותשיה לרב הודעת ⁴ד  את-מי הגדת מלין    ונשמת-מי יצאה ממך ⁵ה  הרפאים יחוללו--    מתחת מים ושכניהם ⁶ו  ערום שאול נגדו    ואין כסות לאבדון ⁷ז  נטה צפון על-תהו    תלה ארץ על-בלימה ⁸ח  צרר-מים בעביו    ולא-נבקע ענן תחתם

⁹ט  מאחז פני-כסה    פרשז עליו עננו ¹⁰י  חק-חג על-פני-מים--    עד-תכלית אור עם-חשך ¹¹יא  עמודי שמים ירופפו    ויתמהו מגערתו ¹²יב  בכחו רגע הים    ובתובנתו (ובתבונתו) מחץ רהב ¹³יג  ברוחו שמים שפרה    חללה ידו נחש ברח ¹⁴יד  הן-אלה קצות דרכו--    ומה-שמץ דבר נשמע-בו ורעם גבורתו    מי יתבונן