시편 93

여호와께서 다스리시니 위엄을 입으셨도다

¡Tayta Diosmi ray! ¡Tayta Diosga achicyaypa achicyaycaj röpashami caycan! Payga munayniyoj cayninwanmi fiyupa achicyacurcusha. Paymi cay mundutapis sumaj tacyachisha mana cuyucunanpaj. ²Tayta Dios, gallarinanpita-pachami jamanayquita sumaj camacächirayqui. ¡Gamga imaypis caycashcanquimi! ³Tayta Dios, mayucuna chayashpanmi fiyupa gaparan. Cuchpayllapana aywaycanpis.

⁴Chaypis Tayta Dios gamga cuchpayllapa aywaycaj mayupitapis, gaparaycaj lamarpitapis mas munayniyojmi canqui. ⁵Tayta Dios, gammi estatutuyquicunata willaparayqui. Chaycunaga yäracuypämi caycan. ¡Santo Dios cashayquimi Wasiquita sumaj camarächin! ¡Tayta Dios gamga imaypis caycanquimi!