시편 125

산들이 예루살렘을 두름과 같이

Jerusalenman aywar cantashan alabansa. Tayta Diosman yäracojcunaga Sión lömanömi carcaycan. Sión lömataga manami pipis cuyuchinchu. Imay-yajpis chaynöllami caycan. ²Jerusalenta puntacuna tumaparaycashannömi Tayta Diosga Israelcunata ricaycan cananpis y imay-yajpis. ³Tayta Dios acrashan runacunata manami fiyu runacunaga mandangachu. Fiyu runacuna mandaptin alli runacunaga juchata rurarpis ruraycunmanchari.

⁴Tayta Dios, allita ruray ari alli runacunapaj, rasun cajllata rimaj runacunapäpis. ⁵Mana wiyacojcunata ichanga fiyu runacunatawan iwal castigay. ¡Israelchöga alli goyay caycullächun!