잠언 1

여호와를 경외하는 것이 지식의 근본

Izaga zikaSolomoni indodana kaDavida, inkosi yako-Israyeli: ²ukuba abantu bazuze ukuhlakanipha lokuzithiba; ukuba bazwisise amazwi okuqedisisa; ³ukuba bazuze impilo yokuzithiba lobuqotho, besenza okulungileyo, okufaneleyo lokuqondileyo; ⁴ukunika ulwazi kwabayizithutha, ulwazi lokukhetha okuqondileyo kwabatsha ⁵ukuthi ohlakaniphileyo alalele engeze ukufunda kwakhe, kuthi obonisisayo azuze izeluleko, ⁶ukuba abantu bazwisise izaga lemizekeliso, izitsho lamalibho abahlakaniphileyo.

⁷Ukwesaba uThixo kuyikuqala kwenhlakanipho, kodwa iziwula ziyakweyisa ukuqedisisa lokuzithiba.

그들과 함께 가지 말라

⁸Lalela, ndodana yami, izeluleko zikayihlo njalo ungadeli imfundiso kanyoko. ⁹Kuzakuba ngumqhele omuhle ekhanda lakho lomgaxo wokucecisa intamo yakho. ¹⁰Ndodana yami, aluba izoni zikuhuga, ungaze wavuma.

¹¹Nxa zisithi, “Woza sihambe; kasicathamele abantu sichithe igazi, kasicwathele omunye umuntu ongelacala; ¹²kasibaginye bephila njengengcwaba, sibajwamule njengabawele emgodini; ¹³sizazuza impahla ezinhle ezehlukeneyo sigcwalise izindlu zethu ngempango; ¹⁴phathisana lathi ukuze sibelesikhwama sinye” ¹⁵ndodana yami, ungahambi lazo, ungalugxobi olwakho ezindleleni zazo; ¹⁶ngoba ezabo inyawo zigijima ekoneni, bachitha igazi lula.

¹⁷Kakusizi ukuthiya ngembule lithe dandalazi emehlweni ezinyoni! ¹⁸Abantu laba bacathamela ukuchitheka kwelabo igazi; bajuma okwabo ukuphila. ¹⁹Sinjalo isiphetho salabo abadinga inzuzo ngobugebenga; kuyayichitha impilo yalabo abayitholayo.

지혜가 길거리에서 부르며

²⁰Ukuhlakanipha kuyamemeza emgwaqweni, kuphakamisa ilizwi lakho ezinkundleni; ²¹kuyanqongoloza lezindleleni okuxokozela khona, kuyatshumayela emasangweni omuzi kuthi: ²²“Koze kube nini lina zithutha lithanda ubuthutha benu na? Koze kube nini izideleli zikholisa ukudelela leziphukuphuku zizonda ulwazi na?

²³Lalelani ukukhuza kwami liphenduke! Ngizalivulela isifuba sami, ngilivezele imicabango yami. ²⁴Kodwa ngenxa yokuthi langifulathela ngilibiza, kwangabi khona onginanzayo ngiselula isandla sami, ²⁵njengoba lala izeluleko zami njalo kalavuma ukukhuza kwami, ²⁶ngakho lami ngizahleka selihlupheka; ngizaliklolodela nxa lisehlelwa lusizi, ²⁷nxa usizi lulehlela njengesiphepho; nxa incithakalo ilikhukhula njengesivunguzane, nxa usizi lezinhlupheko ziligabhela.

²⁸Lapho-ke bazangibiza kodwa kangiyikusabela; bazangidinga bangangitholi. ²⁹Ngoba babeluzonda ulwazi kabaze bakhetha ukwesaba uThixo ³⁰ngoba kabavumanga iseluleko sami, badelela ukukhuza kwami, ³¹bazakudla izithelo zokuhamba kwabo basuthiswe ngezithelo zamacebo abo.

³²Phela ubuhlongandlebe bezithutha buzazibulala, lokungananzi kweziphukuphuku kuzazibhubhisa; ³³kodwa lowo ongilalelayo uzahlala evikelekile ekhululekile, engesabi lutho olungamlimaza.”