여호수아 19
시므온의 기업
1दूसर चिट्ठी सिमोन के गोत्र बर ओकर कुलमन के मुताबिक निकलिस। ओमन के भाग यहूदा के इलाका के भीतर रिहिस। 2येमा ये नगरमन सामिल रिहिन: बेरसेबा, सेबा, मोलादा, 3हसर-सूआल, बाला, एसेम, 4एलतोलद, बतूल, होरमा, 5सिकलग, बेत-मरकाबोत, हसर-सूसा, 6बेत-लबाओत अऊ सारूहेन—तेरह नगर अऊ येमन के गांवमन; 7ऐन, रिम्मोन, एतेर, अऊ आसान—चार नगर अऊ येमन के गांवमन— 8अऊ ये नगरमन के आसपास के जम्मो गांवमन बालत-बेर तक (नेगेव म रामा)।
9सिमोनीमन के उत्तराधिकार यहूदा के भाग ले लिये गे रिहिस, काबरकि यहूदा ला ओमन के जरूरत ले जादा भाग मिले रिहिस। एकरसेति यहूदा के इलाका के भीतर सिमोनीमन ला ओमन के उत्तराधिकार मिलिस।
스불론의 기업
10तीसर चिट्ठी जबूलून बर ओकर कुलमन के मुताबिक निकलिस: ओमन के भाग के सीमना सारीद सहर तक हबरिस। 11अऊ ओमन के सीमना पछिम कोति मरला सहर ला जाके दब्बेसेत सहर ला छुईस, अऊ योकनाम सहर के लकठा के नरवा तक बढ़िस। 12फेर सारीद ले येह पूरब कोति ले मुड़के बेर के उगती कोति किसलोत-ताबोर के इलाका तक हबरिस अऊ उहां ले आघू बढ़त दाबरत अऊ तब यापी तक आईस 13तब येह पूरब कोति आघू बढ़त गत-हेपेर अऊ इत-कासीन ला गीस; येह रिम्मोन करा निकलिस अऊ नेआ कोति मुड़ गीस। 14उहां ले ओ सीमना ह मुड़के उत्तर कोति हन्नातोन करा चल दीस अऊ यिप्तह-एल के घाटी म खतम हो गीस। 15येमा कत्तात, नहलाल, सिमरोन, यिदला अऊ बैतलहम सामिल रिहिन। उहां बारह नगर अऊ ओमन के गांवमन रिहिन। 16ये नगर अऊ ओमन के गांवमन जबूलून के कुलमन के मुताबिक ओला उत्तराधिकार म मिले रिहिन।
잇사갈의 기업
17चौथा चिट्ठी इस्साकार बर ओकर कुलमन के मुताबिक निकलिस। 18ओमन के इलाका म ये जगहमन सामिल रिहिन: यिजरेल, कसुल्लोत, सुनेम, 19हपारैम, सीओन, अनाहरत, 20रब्बीत, किसयोन, एबेस, 21रेमेत, एन-गन्नीम, एन-हद्दा अऊ बेत-पस्सेस। 22ओ सीमना ह ताबोर पहाड़, सहसूमा, अऊ बेत-सेमेस ला छुईस, अऊ यरदन नदी करा खतम हो गीस। उहां सोलह नगर अऊ ओमन के गांवमन रिहिन। 23ये नगर अऊ ओकर गांवमन इस्साकार के कुलमन के मुताबिक ओकर गोत्र के उत्तराधिकार रिहिन।
아셀의 기업
24पांचवां चिट्ठी आसेर के गोत्र बर ओकर कुलमन के मुताबिक निकलिस। 25ओमन के इलाका म ये नगरमन सामिल रिहिन: हेलकत, हली, बेतेन, अछाप, 26अलाम्मेलेक, अमाद अऊ मिसाल। पछिम कोति सीमना ह करमेल पहाड़ अऊ सीहोर-लिब्नात ला छुईस। 27तब येह पूरब कोति मुड़के बेत-दागोन सहर करा गीस, अऊ जबूलून गोत्र अऊ यिप्तह-एल के घाटी ला छुईस, अऊ डेरी कोति काबूल ला पार करत उत्तर दिग म बेत-एमेक अऊ नीएल तक हबरिस। 28येह एबरोन, रहोब, हम्मोन अऊ काना ले होके बड़े सीदोन तक हबरिस। 29तब सीमना ह वापिस रामा कोति लहुंटिस अऊ सूर नांव के गढ़वाले नगर तक गीस; फेर उहां ले होसा कोति मुड़के अकजीब, 30उम्मा, अपेक अऊ रहोब के छेत्र म भूमध्य सागर करा निकलिस। उहां बाईस नगर अऊ ओमन के गांवमन रिहिन। 31ये नगर अऊ ओमन के गांवमन आसेर के कुलमन के मुताबिक ओकर गोत्र के उत्तराधिकार रिहिन।
납달리의 기업
32छठवां चिट्ठी नपताली बर ओकर कुलमन के मुताबिक निकलिस: 33ओमन के सीमना ह हेलेप नगर अऊ साननीम नगर म बड़े रूख ले गीस अऊ अदामी-नेकेब अऊ यबनेल ला पार करत लक्कूम करा आईस अऊ यरदन नदी करा खतम हो गीस। 34सीमना ह पछिम कोति अजनोत-ताबोर ले होवत हूकोक करा निकलिस। येह दक्खिन म जबूलून गोत्र, पछिम म आसेर गोत्र अऊ पूरब म यरदन ला छुईस। 35ओमन के गढ़वाले नगर येमन रिहिन—सिद्दीम, सेर, हम्मत, रक्कत, किन्नेरेत, 36अदामा, रामा, हासोर, 37केदेस, एदरेई, एन-हासोर, 38यिरोन, मिगदल-एल, होरेम, बेत-अनात अऊ बेत-सेमेस। उहां उन्नीस नगर अऊ ओमन के गांवमन रिहिन। 39ये नगर अऊ ओमन के गांवमन नपताली के कुलमन के मुताबिक ओकर गोत्र के उत्तराधिकार रिहिन।
단의 기업
40सातवां चिट्ठी दान के गोत्र बर ओकर कुलमन के मुताबिक निकलिस। 41ओमन के उत्तराधिकार के इलाका म ये नगरमन सामिल रिहिन: सोरा, एसताओल, ईर-सेमेस, 42सालब्बीन, अय्यालोन, यितला, 43एलोन, तिमना, एकरोन, 44एलतके, गिब्बतोन, बालात, 45यहूद, बने-बराक, गत-रिम्मोन, 46मे-यरकोन अऊ रक्कोन अऊ ओ छेत्र, जऊन ह यापा के सामने म हवय। 47(जब दानीमन के इलाका ह ओमन करा ले चले गीस, त ओमन जाके लेसेम सहर ऊपर हमला करिन, अऊ ओला लेके उहां तलवार के उपयोग करिन अऊ ओला अपन अधिकार म कर लीन। ओमन लेसेम म बस गीन अऊ ओकर नांव अपन पुरखा के नांव म दान रखिन।)
48ये नगर अऊ ओमन के गांवमन दान के कुलमन के मुताबिक ओकर गोत्र के उत्तराधिकार रिहिन।
여호수아의 기업
49जब इसरायलीमन देस के अपन-अपन हिस्सा के मुताबिक बंटवारा कर लीन, तब इसरायलीमन नून के बेटा यहोसू ला घलो अपन बीच म एक बांटा दीन, 50जइसे कि यहोवा ह हुकूम देय रिहिस। ओमन ओला ओ नगर दीन, जेकर मांग ओह करे रिहिस। येह एपरैम के पहाड़ी देस के तिमनत-सेरह रिहिस। अऊ ओह ओ नगर ला बनाईस अऊ बस गीस। 51येमन ओ इलाका अंय, जेला एलिआजर पुरोहित, नून के बेटा यहोसू अऊ इसरायल के गोत्र ले संबंधित कुलमन के मुखियामन सीलो म, मिलापवाला तम्बू के प्रवेस दुवार करा, यहोवा के आघू म चिट्ठी डाल-डालके बांट दीन। अऊ ये किसम ले ओमन देस के बंटवारा के काम ला पूरा करिन।