시편 138

내가 간구하는 날에 주께서 응답하셨나이다

¹༼དཱ་བིད་ཀྱི་མགུར༌མ།༽ བདག་གིས་ཡིད་སེམས་ཧྲིལ་པོས་ཁྱེད་ལ༌བསྟོད། །ལྷ་རྣམས་ མདུན་དུ་ཁྱེད་ལ་བསྟོད་དབྱངས༌འབུལ།། ²ཁྱེད་ཀྱིས་ཉིད་ཀྱི་མཚན་དང་བཀའ་གསུང་ནི། །ཀུན་ལས་རབ་ཏུ་ཆེ་བར་མཛད་པས༌ན། །ཁྱེད་ཀྱི་མཆོད་ཁང་དམ་པར་ངས་ཕྱག༌འཚལ། །ཁྱེད་ཀྱི་བྱམས་བརྩེ་དང་ནི་དྲང་བདེན༌ཕྱིར། །ཁྱེད་ཀྱི་མཚན་ལ་གཏང་རག་འབུལ་བར༌བྱ།། ³བདག་གིས་ཞུས་ཚེ་ཁྱེད་ཀྱིས་བཀའ་ལན༌གནང༌། །སེམས་ཤུགས་སྤོབས་པ་ཁྱེད་ཀྱིས་བདག་ལ༌བསྩལ།། ⁴ཀྱེ་ཀྱེ་ཡ་ཝཱེ་ཁྱེད་ཀྱི་ཞལ་གདམས༌རྣམས། །ས་གཞིའི་རྒྱལ་པོ་ཀུན་གྱིས་ཐོས་ཡོད༌པས། །དེ་ཚོས་ཁྱེད་ལ་གཏང་རག་ཅིས་མི༌འབུལ།། ⁵ཡ་ཝཱེའི་གཟི་བརྗིད་རབ་ཏུ་ཆེ་བས༌ན། །ཉིད་ཀྱི་མཛད་པ་རྣམས་ཀྱི་གླུ་ཡང༌ལེན།། ⁶ཡ་ཝཱེ་ཁོང་ཉིད་བླ་མེད་ལགས་ན༌ཡང༌། །ཉམ་ཆུང་དག་ལ་ཁོང་གིས་གཟིགས་པར༌མཛད། །འོན་ཀྱང་ང་རྒྱལ་ཅན་དེ་རྒྱང་ནས༌མཁྱེན།། ⁷ང་རང་སྡུག་བསྔལ་ཁྲོད་ནས་འགྲོ་དུས༌སུ། །ཁྱེད་ཀྱིས་ང་ཡི་ཚེ་སྲོག་སྐྱོབ་པ༌དང༌། །ཕྱག་ཟུང་བརྐྱངས་ནས་དགྲ་བོའི་ཁོང་ཁྲོ༌འགོག །ཁྱེད་ཕྱག་གཡས་པས་ང་རང་སྐྱོབ་པར༌འགྱུར།། ⁸ཡ་ཝཱེས་ང་ཡི་དོན་ཀུན་བསྒྲུབ་པར༌འགྱུར། །ཡ་ཝཱེ་ཁྱེད་ཀྱི་བྱམས་བརྩེ་རྟག་ཏུ༌གནས། །ཁྱེད་ཀྱི་ཕྱག་ལས་རྣམས་ཀྱང་སྤོང་མ་མཛོད།།