시편 136
그의 인자하심이 영원함이로다
1ཡ་ཝཱེ་ལེགས་པས་ཁོང་ལ་གཏང་རག༌ཕུལ། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།། 2ལྷ་རྣམས་དཀོན་མཆོག་ལ་ནི་གཏང་རག༌ཕུལ། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།། 3གཙོ་བོ་རྣམས་ཀྱི་གཙོ་བོར་གཏང་རག༌ཕུལ། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།། 4ཁོང་ཉིད་གཅིག་པུས་ངོ་མཚར་རྣམས་ནི༌མཛད། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།། 5གང་གི་ཤེས་རབ་ཀྱིས་ནི་གནམ་རྣམས༌མཛད། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།། 6ཆུ་རྣམས་སྟེང་དུ་ས་གཞི་འདིང་བར༌མཛད། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།། 7འོད་ཟེར་ཆེན་པོ་རྣམས་ཀྱང་ཁོང་གིས༌མཛད། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།། 8ཉིན་མོ་དབང་དུ་བསྒྱུར་བར་ཉི་མ༌བཀོད། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།
9མཚན་མོར་དབང་བྱེད་ཟླ་བ་སྐར་མ༌མཛད། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།། 10གང་གིས་ཨེ་ཅིབ་སྐྱེས་འགོ་ཐམས་ཅད༌བསད། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།། 11དེ་ཚོའི་ཁྲོད་ནས་ཡེས་ར་ཨེལ་པ༌བཏོན། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།། 12མཐུ་ལྡན་ཕྱག་དང་བརྐྱངས་པའི་དཔུང་པ༌ཡིས། །དེ་རྣམས་ཕྱི་རུ་ཁྲིད་ནས་ཐོན་པ༌ཡིན། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།། 13རྒྱ་མཚོ་དམར་པོ་ཁག་ནི་གཉིས་སུ༌མཛད། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།། 14ཡེས་ར་ཨེལ་པ་མཚོ་ཡི་དཀྱིལ་ནས༌དྲངས། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།། 15ཕཱར་ཨོལ་དང་ནི་ཁོ་ཡི་དམག་དཔུང༌ནི། །རྒྱ་མཚོ་དམར་པོའི་ནང་དུ་བསྐྱུར་བར༌མཛད། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།། 16ཉིད་ཀྱི་མི་སྡེ་དབེན་སྟོང་ལམ་ནས༌དྲངས། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།
17གང་གིས་རྒྱལ་པོ་ཆེན་པོ་རྣམས་ལ༌བརྡུངས། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།། 18དཔའ་ངར་ཆེ་བའི་རྒྱལ་པོ་རྣམས་ཀྱང༌བསད། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།། 19ཨེ་མོར་པ་ཡི་རྒྱལ་པོ་སི་ཧོན༌བསད། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།། 20པཱ་ཤན་ཡུལ་གྱི་རྒྱལ་པོ་ཨོག་ཀྱང༌བསད། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།། 21ཁོང་གིས་དེ་ཚོའི་ཡུལ་རྣམས་རང་ཉིད༌ཀྱི། །འབངས་མི་ལ་ནི་ས་སྐལ་དུ་གནང༌ངོ༌། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།། 22དེ་ཚོའི་ཡུལ་རྣམས་ཉིད་ཀྱི་ཞབས་ཕྱི༌སྟེ། །ཡེས་ར་ཨེལ་ལ་ནོར་སྐལ་དུ་གནང༌ངོ༌། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།། 23ཉམ་ཐག་གནས་སུ་རང་ཅག་ཁོང་གིས༌དྲན། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།། 24རང་ཅག་དགྲ་བོ་རྣམས་ལས་སྐྱོབ་པར༌མཛད། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།
25ལུས་ཅན་ཀུན་ལ་ཁོང་གིས་ཁ་ཟས༌སྩོལ། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།། 26ནམ་མཁའི་དཀོན་མཆོག་ཁོང་ལ་གཏང་རག༌ཕུལ། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།