시편 150

호흡이 있는 자마다 여호와를 찬양할지어다

הַלְלוּ יָהּ הַלְלוּ־אֵל בְּקָדְשׁוֹ; הַלְלוּהוּ, בִּרְקִיעַ עֻזּוֹ׃ ²הַלְלוּהוּ בִגְבוּרֹתָיו; הַלְלוּהוּ, כְּרֹב גֻּדְלוֹ׃ ³הַלְלוּהוּ בְּתֵקַע שׁוֹפָר; הַלְלוּהוּ, בְּנֵבֶל וְכִנּוֹר׃ ⁴הַלְלוּהוּ בְתֹף וּמָחוֹל; הַלְלוּהוּ, בְּמִנִּים וְעוּגָב׃ ⁵הַלְלוּהוּ בְצִלְצְלֵי־שָׁמַע; הַלְלוּהוּ, בְּצִלְצְלֵי תְרוּעָה׃ ⁶כֹּל הַנְּשָׁמָה תְּהַלֵּל יָהּ, הַלְלוּ־יָהּ׃