시편 124

여호와께서 우리 편에 계시지 아니하셨더라면

Raha tsy Jehovah no nomba antsika,― Eny, aoka hataon’ ny Isiraely hoe: ²Raha tsy Jehovah no nomba antsika, Raha nitsangana hamely antsika ny olona. ³Dia nitelina antsika velona izy, Raha nirehitra tamintsika ny fahatezerany; ⁴Dia nandifotra antsika ny rano, Ary nanafotra ny fanahintsika ny riaka; ⁵Eny, nanafotra ny fanahintsika Ny rano misafoaka.

⁶Isaorana anie Jehovah, Izay tsy nanolotra antsika ho rembin’ ny nifiny. ⁷Ny fanahintsika dia efa afaka tahaka ny vorona afaka tamin’ ny fandriky ny mpihaza: Tapaka ny fandrika, ka afaka isika. ⁸Ny famonjena antsika dia amin’ ny anaran’ i Jehovah, Mpanao ny lanitra sy ny tany.