욥기 26

이는 그의 행사의 단편일 뿐이라

І адказаў Ёў, і сказаў: ²«Як ты дапамог кволаму, і як падтрымаў рамяно бясьсільнае! ³Якую ты даў параду нямудраму і выявіў цьвярозы розум для многіх!

⁴Каго ты навучыў словам сваім, і які дух выходзіць з цябе? ⁵Рэфаімы дрыжаць пад водамі, і тыя, што жывуць разам з імі. ⁶Адхлань адкрытая перад Ім, і няма заслоны для Абадону.

⁷Ён расьцягнуў поўнач над пусткаю і павесіў зямлю на нічым. ⁸Ён укладае воды ў аблокі Свае, і хмары ня рвуцца ад іх [цяжару]. ⁹Ён закрывае поўню месяца і расьцягнуў над ім хмару Сваю.

¹⁰Ён пазначыў мяжу на абліччы вады, аж да мяжы між сьвятлом і цемраю. ¹¹Слупы нябесныя дрыжаць і баяцца гневу Ягонага. ¹²Магутнасьцю Сваёю Ён супакойвае мора, і мудрасьцю Сваёй Ён зьнішчыў Рагава.

¹³Дух Ягоны распагоджвае неба, і рука Ягоная нішчыць зьмея, які ўцякае. ¹⁴Вось такія канцы шляхоў Ягоных; і толькі слабыя словы мы чуем пра Яго. Хто можа зразумець грымоты велічы Ягонай?»