호세아 11

애굽에서 내 아들을 불러냈거늘

א כי נער ישראל ואהבהו וממצרים קראתי לבני ²ב קראו להם כן הלכו מפניהם--לבעלים יזבחו ולפסלים יקטרון ³ג ואנכי תרגלתי לאפרים קחם על זרועתיו ולא ידעו כי רפאתים ⁴ד בחבלי אדם אמשכם בעבתות אהבה ואהיה להם כמרימי על על לחיהם ואט אליו אוכיל ⁵ה לא ישוב אל ארץ מצרים ואשור הוא מלכו  כי מאנו לשוב ⁶ו וחלה חרב בעריו וכלתה בדיו ואכלה--ממעצותיהם ⁷ז ועמי תלואים למשובתי ואל על יקראהו--יחד לא ירומם

내가 어찌 너를 놓겠느냐

⁸ח איך אתנך אפרים אמגנך ישראל--איך אתנך כאדמה אשימך כצבאים נהפך עלי לבי יחד נכמרו נחומי ⁹ט לא אעשה חרון אפי לא אשוב לשחת אפרים  כי אל אנכי ולא איש--בקרבך קדוש ולא אבוא בעיר ¹⁰י אחרי יהוה ילכו כאריה ישאג  כי הוא ישאג ויחרדו בנים מים ¹¹יא יחרדו כצפור ממצרים וכיונה מארץ אשור והושבתים על בתיהם נאם יהוה  {ס}