Luca 4:1-13

¹Jesus autem plenus Spiritu Sancto regressus est a Jordane: et agebatur a Spiritu in desertuma

²diebus quadraginta, et tentabatur a diabolo. Et nihil manducavit in diebus illis: et consummatis illis esuriit.

³Dixit autem illi diabolus: Si Filius Dei es, dic lapidi huic ut panis fiat.

⁴Et respondit ad illum Jesus: Scriptum est: Quia non in solo pane vivit homo, sed in omni verbo Dei.b

⁵Et duxit illum diabolus in montem excelsum, et ostendit illi omnia regna orbis terr in momento temporis,

⁶et ait illi: Tibi dabo potestatem hanc universam, et gloriam illorum: quia mihi tradita sunt, et cui volo do illa.c

⁷Tu ergo si adoraveris coram me, erunt tua omnia.

⁸Et respondens Jesus, dixit illi: Scriptum est: Dominum Deum tuum adorabis, et illi soli servies.d

⁹Et duxit illum in Jerusalem, et statuit eum super pinnam templi, et dixit illi: Si Filius Dei es, mitte te hinc deorsum.

¹⁰Scriptum est enim quod angelis suis mandavit de te, ut conservent te:e

¹¹et quia in manibus tollent te, ne forte offendas ad lapidem pedem tuum.

¹²Et respondens Jesus, ait illi: Dictum est: Non tentabis Dominum Deum tuum.f

¹³Et consummata omni tentatione, diabolus recessit ab illo, usque ad tempus.