Matteo 4:1-11

¹Tunc Jesus ductus est in desertum a Spiritu, ut tentaretur a diabolo.a

²Et cum jejunasset quadraginta diebus, et quadraginta noctibus, postea esuriit.b

³Et accedens tentator dixit ei: Si Filius Dei es, dic ut lapides isti panes fiant.c

⁴Qui respondens dixit: Scriptum est: Non in solo pane vivit homo, sed in omni verbo, quod procedit de ore Dei.d

⁵Tunc assumpsit eum diabolus in sanctam civitatem, et statuit eum super pinnaculum templi,

⁶et dixit ei: Si Filius Dei es, mitte te deorsum. Scriptum est enim: Quia angelis suis mandavit de te, et in manibus tollent te, ne forte offendas ad lapidem pedem tuum.e

⁷Ait illi Jesus: Rursum scriptum est: Non tentabis Dominum Deum tuum.f

⁸Iterum assumpsit eum diabolus in montem excelsum valde: et ostendit ei omnia regna mundi, et gloriam eorum,g

⁹et dixit ei: Hc omnia tibi dabo, si cadens adoraveris me.

¹⁰Tunc dicit ei Jesus: Vade Satana: Scriptum est enim: Dominum Deum tuum adorabis, et illi soli servies.h

¹¹Tunc reliquit eum diabolus: et ecce angeli accesserunt, et ministrabant ei.i