Números 26
O segundo recenseamento
Fiyupa wañuchicoj gueshya cashanpitaraj Tayta Diosga Moisesta, cüra Aaronpa wamran Eleazarta niran: 2«Llapan Israelcunata sinsuy, castanpa-cama shuyni-cama juctapis mana cachaypa ishcay chunca watayojpita janaman guërrapaj alli cajllata.» 3Chaura Eleazarwan Moisesga Moab ragra aywaj pampacho llapan Israelcunata willaparan. Chay pampaga caycan Jericöpa chimpan Jordán mayupa jucaj lädunpami.
4Willaparan ishcay chunca watayojpita janaman cäga Moisesta Tayta Dios nishanno llapan sinsucunanpaj. Egiptupita llojshicamoj Israelcunaga caran caycunami:
A tribo de Rúben
5Israelpa mayur wamran Rubenpita mirajcunaga caran: Enoc casta, Falú casta, 6Hezrón casta, Carmi casta runacuna. 7Sinsuptin Rubén trïbu runacunaga caran chuscu chunca quimsa waranga ganchis pachac quimsa chuncan (43,730).
8Falüpa wamran caran Eliab. 9Eliabpana wamrancuna caran: Nemuel, Datán, Abiram. Datanwan Abiramga Corëwan shuntacaycur Moisespa, Aaronpa, Tayta Diospa contran jatariran. Paycunaga mayur tantiyachej runacunami caran. 10Chayno contran jatarishanpitami pachapa shimin quichacar Datanta, Abiramta, Corëtawan micucurcuran. Contran ricacoj cäga llapan wañuran. Ninana rupar ushacurcuran ishcay pachac pichga chuncan (250) runacunata. Chay runacuna wañuran waquin Israelcunapis ricacunanpämi.
11Chayno Coré wañuptinpis wamrancunaga manami wañuranchu.
A tribo de Simeão
12Simeón trïbu runacuna caran: Nemuel, Jamín, Jaquín, 13Zera, Saúl casta runacuna. 14Sinsuptin Simeón trïbu runacuna caran ishcay chunca ishcay waranga ishcay pachacnin (22,200).
A tribo de Gade
15Gad trïbu cajna caran Zefón, Hagui, Suni, 16Ozni, Eri, Arod, Areli casta runacuna. 17Sinsuptin Gad trïbu runacuna caran chuscu chunca waranga pichga pachacnin (40,500).
18Judäpa wamrancuna Erwan Onanga Canaán nasyunllachönami mas unay wañuran.
A tribo de Judá
19Chaura Judá trïbu runacunaga caran Sela, Fares, Zera castacuna. 20Farespita mirajcunaga caran Hezrón, Hamul casta runacuna. 21Sinsuptin Judá trïbu runacuna caran ganchis chunca sojta waranga pichga pachacnin (76,500).
22Isacarpita mirajcuna caran Tola, Fúa,
A tribo de Issacar
23Jasub, Simrón casta runacuna. 24Sinsuptin Isacar trïbu runacuna caran sojta chunca chuscu waranga quimsa pachacnin (64,300). 25Zabulonpita mirajcuna caran Sered, Elón, Jahleel casta runacuna.
A tribo de Zebulom
26Sinsuptin Zabulón trïbu runacuna caran sojta chunca waranga pichga pachacnin (60,500). 27Josëpita mirajcuna caran Manasés trïbu runacuna, Efraín trïbu runacuna.
A tribo de Manassés
28Manasespita mirajcuna caran Maquir casta, Maquir castapitana Galaad casta, 29Galaadpita mirajcuna Jezer casta, Helec casta, 30Asriel casta, Shequem casta, 31Semida casta, Hefer casta.
32Heferpa wamranna caran Zelofehad. Paypaga manami caranchu ollgu wamrancuna. Warmilla wamrancuna caran. Jutin caran: Maala, Noa, Hogla, Milca, Tirsa. 33Sinsuptin Manasés trïbu runacuna caran pichga chunca ishcay waranga ganchis pachacnin (52,700). 34Efrainpita mirajcunaga caran Sutela casta, Bequer casta, Tahán casta runacuna.
A tribo de Efraim
35Sutelapita mirajcuna caran Erán casta runacuna. 36Sinsuptin Efrainpita mirajcuna caran quimsa chunca ishcay waranga pichga pachacnin (32,500) runacuna. Chaynömi Josëpita mirajcunaga cada casta caran. 37Benjaminpita mirajcuna caran Bela, Asbel, Ahiram,
A tribo de Benjamim
38Sefufam, Hufam castacuna. 39Bela casta runacuna caran: Ard, Naamán castacuna. 40Sinsuptin Benjamín trïbu runacuna caran chuscu chunca pichga waranga sojta pachacnin (45,600).
41Danpita mirajcuna caran Súham casta.
A tribo de Dã
42Sinsuptin Súham casta caran sojta chunca chuscu waranga chuscu pachacnin (64,400). 43Aserpita mirajcuna caran Imna, Isúi, Bería castacuna.
A tribo de Aser
44Bería castapita mirajna caran Heber, Malquiel casta runacuna. 45Aserpa warmi wamranpa jutin caran Sera. 46Sinsuptin Aser trïbu runacuna caran pichga chunca quimsa waranga chuscu pachacnin (53,400).
47Neftalïpita mirajcuna caran Jahzeel, Guni,
A tribo de Naftali
48Jezer, Silem casta runacuna. 49Sinsuptin Neftalí trïbu runacuna caran chuscu chunca pichga waranga chuscu pachacnin (45,400). 50Sinsuyta ushaycur yupaptin Israel trïbu runacuna caran sojta pachac juc warangan ganchis pachac quimsa chuncan (601,730).
51Moisesta Tayta Dios niran:
A terra dividida por sorte
52«Sinsuptiqui cada trïbu aycapis cashan-tupu chacrataga raquipanqui. 53Achca runacuna captin mas jatunta raquipanqui. Wallca runacuna captenga tacshata raquipanqui. Cada trïbuta raquipanqui sinsucho apuntacushanman-tupu. 54Maycho chacran cananpäpis chacrataga surtiyaypa raquipanqui. Runacunaga chacrata chasquenga taytan maygan trïbupis cashanchömi.
55Chacrataga achcaj captinpis wallcaj captinpis surtiyarcur surtiyarcurmi raquipanqui.» 56Leví trïbuta sinsur yuparan Gersón, Coat, Merari castacunata.
Os levitas são contados
57Levïpita mirajcunallami caran Libni, Hebrón, Mahli, Musi, Coré castacunaga. Coatpa wamranmi caran Amram. 58Amram majachacaran Jocabedwan. Jocabedpis Leví trïbu warmimi caran. Payga Egiptuchömi yuriran. Amrampawan Jocabedpa wamranmi caran Aarón, Moisés, María. 59Aaronpa wamrancunana caran Nadab, Abiú, Eleazar, Itamar.
60Nadabwan Abiüga wañuran Tayta Diospaj juc-niraj saumachishanpitami. 61Leví trïbu runacunaga juc quillayojpita janaman caran ishcay chunca quimsa warangan (23,000). Paycunataga manami sinsuranchu Israelcunata sinsur. Leví trïbutaga manami chacratapis raquiparanchu. 62Moiseswan cüra Eleazar sinsuptin Israel runacunaga caycaran Moab pampachömi. Moab pampaga Jericöpa chimpan Jordán mayupa jucaj lädunpami caycan.
Só restam Calebe e Josué
63Aaronwan Moisés chunyaj Sinaïcho sinsushan runacunaga manami ni jucnayllapis carannachu. 64Chunyaj Sinaí jircacho sinsushan runacunaga Tayta Dios nishannöllami chunyajcho llapanpis wañur ushacaran. Chaymi mayganpis mana carannachu guepa caj sinsucuypäga. Jefonepa wamran Calebwan Nunpa wamran Josuëllanami cawaycaran.