Salmos 13

Até quando, Senhor

¹संगीत के निरदेसक बर दाऊद के एक भजन। हे यहोवा, कब तक? का तेंह मोला हमेसा बर भुला जाबे? कब तक तेंह अपन चेहरा ला मोर ले छुपाय रहिबे? ²कब तक मेंह अपन बिचार म फंसे रहिहूं अऊ हर दिन अपन मन म दुखी होवत रहिहूं? कब तक मोर बईरी ह मोर ऊपर जय पावत रहिही? ³हे यहोवा मोर परमेसर, मोर कोति देख अऊ जबाब दे, मोर आंखी ला देखे के सक्ति दे, नइं तो मेंह मिरतू के नींद म सो जाहूं, ⁴नइं तो मोर बईरी ह कहिही, “मेंह ओला जीत डारे हंव,” अऊ मोर बईरीमन आनंद मनाहीं, जब में गिर जाहूं। ⁵पर मेंह तोर अब्बड़ मया ऊपर भरोसा रखथंव; मोर हिरदय ह तोर उद्धार म आनंद मनाथे। ⁶मेंह यहोवा के गीत गाहूं, काबरकि ओह मोर भलई करे हवय।