Salmos 127

Se o Senhor não edificar a casa

¹आरोहन के एक गीत। सुलेमान के गीत। यदि घर ला यहोवा ह नइं बनावय, त ओकर बनानेवालामन के मेहनत ह बेकार होथे। यदि सहर के पहरेदारी यहोवा ह नइं करय, त पहरेदारमन के पहरेदारी ह बेकार होथे। ²तुमन बेकार म बड़े बिहनियां उठथव अऊ देर रात तक जागके जेवन बर मेहनत करथव— काबरकि ओह ओमन ला नींद देथे, जेमन ले ओह मया करथे। ³लइकामन यहोवा के दुवारा दिये गय भाग होथें, लइका ह ओकर कोति ले दिये गय एक ईनाम ए। ⁴जइसे एक योद्धा के हांथ म तीरमन होथें, वइसे जवानी के समय म जनमे लइकामन होथें। ⁵धइन अय ओ मनखे जेकर तरकस ह ओमन ले भरे हवय। जब ओमन अदालत म अपन बिरोधीमन के सामना करहीं त ओमन ला लज्जित होना नइं पड़ही।