Salmos 142
Ninguém cuida da minha alma
1༼དཱ་བིད་ཀྱི་བསླབ་བྱའི་མགུར་མ༌སྟེ། བྲག་ཕུག་ནང་གི་གསོལ༌འདེབས།༽ སྐད་གསང་མཐོན་པོས་ཡ་ཝཱེར་འོ་དོད༌འབོད། །སྙིང་རྗེ་གནང་ཕྱིར་ཡ་ཝཱེར་སྐད་ཅོར༌རྒྱག། 2ཁོང་དྲུང་སོ་སོའི་སེམས་སྡུག་ལྷུག་པོར༌བརྗོད། །རང་གི་སྡུག་བསྔལ་ཁོང་ལ་ཞུ་བར༌བྱ།། 3རང་གི་སེམས་ཀྱི་བློ་གཏད་ཉམས་དུས༌སུ། །ང་ཡི་ལམ་ནི་ཁྱེད་ཀྱིས་མཁྱེན་པ༌ཡིན། །ང་རང་འགྲུལ་བའི་ལམ་དུ་དགྲ་དག༌གིས། །ང་ལ་འཚེ་ཕྱིར་རྙི་རྒྱ་བཙུགས་ནས༌ཡོད།། 4ཁྱེད་ཀྱིས་ང་ཡི་གཡས་སུ་གཟིགས་པར༌མཛོད། །ང་ལ་དོ་ཁུར་བྱེད་མཁན་སུ་ཡང༌མེད། །སྐྱབས་གནས་མེད་ལ་གཟིགས་སྐྱོང་གནང་མཁན༌དབེན།། 5ཀྱེ་ཀྱེ་ཡ་ཝཱེ་བདག་གིས་འོ་དོད༌འབོད། །ཁྱེད་ནི་ང་ཡི་སྐྱབས་གནས་ཡིན་པ༌དང༌། །གསོན་པོའི་ཡུལ་གྱི་ནོར་སྐལ་ཡིན་ཞེས༌ཞུ།། 6ང་རང་ཉམ་ཐག་གནས་སུ་ལྷུང་བས༌ན། །ང་ཡི་འོ་དོད་ལ་ནི་གསན་དུ༌གསོལ། །འདེད་མཁན་བདག་ལས་ཤིན་ཏུ་སྟོབས་ཆེ༌བས། །ང་རང་དེ་ལས་སྐྱོབ་པར་མཛོད་གྱུར༌ཅིག། 7ཁྱེད་ཀྱི་མཚན་ལ་བསྟོད་བསྔགས་འབུལ་བའི༌ཕྱིར། །ཁྱེད་ཀྱིས་ང་རང་བཙོན་ལས་སྒྲོལ་བར༌མཛོད། །ཁྱེད་ཀྱིས་ང་རང་དྲིན་གྱིས་བསྐྱངས་པས༌ན། །དྲང་བདེན་རྣམས་ཀྱིས་ང་རང་བསྐོར་འོང༌ངོ༌།།