Provérbios 31

As palavras que a mãe lhe ensinou

Pawòl a wa Lemuel yo; pwofesi ke manman li te ansegne li a: ²“O fis mwen an! O fis a vant mwen an! O fis a ve mwen yo! ³Pa bay fòs ou a fanm, ni wout ou a sila ki konn detwi wa yo.

⁴Se pa pou wa yo, O Lemuel, se pa pou wa yo bwè diven, ni pou chèf yo ta bwè diven, ⁵Paske y ap bwè epi vin bliye dekrè ki te fèt la, e tòde dwa a sila ki aflije yo. ⁶Bay bwason fò a sila k ap peri a, ak diven a sila ki gen lavi anmè a.

⁷Kite li bwè pou bliye mizè li e pa sonje pwoblèm li ankò. ⁸Ouvri bouch ou pou bèbè a; pou dwa yo a tout sila ki san sekou. ⁹Ouvri bouch ou, fè jijman ak dwati, e defann dwa a aflije yo ak endijan an.”

A mulher virtuosa

¹⁰Yon madanm ki ekselan, se kilès ki ka twouve li? Paske valè li depase bijou. ¹¹Kè a mari li mete konfyans nan li e li p ap manke reyisi. ¹²Li fè l sa ki bon e pa sa ki mal pandan tout jou lavi li.

¹³Li chache lèn ak len e travay avèk men l ak kè kontan. ¹⁴Li tankou bato komès; li mennen manje li soti byen lwen. ¹⁵Anplis, li leve pandan li toujou fènwa pou bay manje a tout lakay li, ak yon pòsyon pou sèvant li yo.

¹⁶Li konsidere yon chan e achte li. Ak benefis travay li, li plante yon chan rezen. ¹⁷Li mare senti l ak gwo fòs pou fè bra li vin fò. ¹⁸Li santi ke siksè li bon; lanp li pa janm etenn lannwit.

¹⁹Li lonje men l vè aparèy tise a e men l kenbe l. ²⁰Li lonje men l vè pòv yo avèk sila ki gen bezwen an. ²¹Lakay li pa fè krent pou lanèj, paske tout lakay abiye an wouj.

²²Li fè kouvèti pou tèt li; tout vètman li se twal fen blan ak mov. ²³Mari li byen rekonèt nan pòtay lavil yo, lè l chita pami ansyen a peyi yo. ²⁴Li fè vètman an len pou vann yo, e founi sentiwon a tout komèsan yo.

²⁵Fòs ak respè se abiman li e li souri a lavni. ²⁶Li ouvri bouch li avèk sajès e enstriksyon ladousè sou lang li. ²⁷Li gade byen tout afè lakay li e li pa manje pen laparès.

²⁸Pitit li yo leve e beni li; mari li tou ba li gwo lwanj pou di l: ²⁹“Anpil fi te fè byen bon; men ou pi bon anpil pase yo tout.” ³⁰Cham konn twonpe e bèlte konn vanite; men se fanm nan ki krent SENYÈ a k ap resevwa lwanj.

³¹Ba li sa ke men l te pwodwi, epi kite zèv li yo fè lwanj li nan pòtay yo.